Монголд хэдэн арван тэрбумын өртэй САУСГОБИ СЭНДС компанийг дахин шагнажээ

2017-05-22

Жастин Капла нарын экс удирдлагууд нь Ерөнхийлөгчид өршөөгдөөд нутаг буцсан "Саусгоби сэндс" ХХК шилдгийн шилдэг ажил олгогч компаниар шалгарчээ. За яахав тэгээд шилдэг болдог л юм байгаа биз. Гол нь улс оронд төлөх ёстой өр ширээ барагдуулж байна уу гэдэг асуудал байгаа юм. Засгийн газраас зарласан "Ажил олгогч, даатгуулагчдаа дэмжих жил"-ийн хүрээнд Хөдөлмөр, Нийгмийн Хамгааллын яам шилдэг 150 байгууллагыг шалгаруулан, талархал гардуулсны дотор тус компани багтсан байгаа юм. За тэгээд шилдэг ажил олгогч байгууллага шагнал хүртсэн "Саусгоби сэндс" компани 2018 оноос 10 хувийн шимтгэлийн хөнгөлөлт эдлэхээр болжээ.

Уг нь бол энэ компани манай улсад их хэмжээний өртэй. Гэсэн мөртлөө төрийн өмчит "Эрдэнэс Тавантолгой" компаниас өр нэхээд байж байдаг. Эргэн сануулахад, "Эрдэнэс Тавантолгой" нь "Саусгоби Сэндс" ХХК-д 5.1 тэрбум төгрөгийн өртэй гэх мэдээллийг нэр бүхий эдийн засагчид хэвлэлд өгсөн. Ном журмынхаа дагуу бол "Саусгоби Сэндс" ХХК Монгол Улсад 35.3 тэрбум төгрөгийн өртэй санагдах юм. Ч.Сайханбилэг засаг удирдаж байх үедээ "Эрдэнэс Тавантолгой" компанийн уурхайд "Саусгоби сэндс" компани өөрийн зардал, хүн хүчээр зах зээлийн үнээс хямд өртгөөр олборлолт явуулан 20 гаруй тэрбумын өрөө барагдуулахыг зөвшөөрсөн шийдвэр гаргаж байсан шүү дээ.

Гэтэл "Саусгоби сэндс" компанид "Эрдэнэс Тавантолгой" нь өртэй болчихсон байгаа нь анхаарал татаж байгаа юм. Бас болоогүй "Саусгоби Сэндс ХХК "Компанийн нийгмийн хариуцлагыг хэрэгжүүлэгч оны онцлох байгууллага"-аар шалгарсан байсан. МҮХАҮТ-аас Монгол улсын нийгэм, эдийн засгийн хөгжилд бодитой хувь нэмэр оруулж буй шилдэг аж ахуйн нэгж, бизнес эрхлэгчдийг өргөмжилдөг "ENTREPRENEUR-2016" ёслолын ажиллагааны үеэр Саусгоби сэндс ХХК-нд энэхүү шагналыг олгосон байдаг. Монгол Улсын хууль журам зөрчсөн асуудалд холбогдож ирсэн компани шилдгээр шалгарсан нь бас л анхаарал татаж байв.

"Саусгоби сэндс" компанийн толгой компани нь Хятад компани. Гэтэл энэ компанийн өрийг даруулахын тулд "Эрдэнэс Таван толгой"-н баруун цанхид олборлолтын үйл ажиллагаа явуулахыг зөвшөөрч байгааг сөрөг талтай гэдгийг эдийн засагч Л.Наранбаатар өмнө нь энэ шийдвэр гарах үед ч хэлж байсан. Тэрбээр "Зүүн цанхийн чанар сайтай коксжих нүүрсний давхрагад TTJVCo гээд мөн Хятад компани олборлолт хийж байгаа. Үндсэндээ Эрдэнэс таван толгой бүхэлдээ хятадуудын мэдэлд ингээд очиж байна. Үндэсний Энержи Ресурс гэдэг компаниа дампуурлаа, өрөнд орчихлоо гээд баярлаж бахдах хэрнээ Хятадын компаниудыг болохоор өрнөөсөө гараа гээд Эрдэнэс Таван толгойд олборлолтын эрх өгч байгааг хараад үнэхээр ойлгохгүй юм. Монголчууд Монголдоо үнэ цэнэгүй болж байгаа юм уу" гэж байсан нь анхаарал татсан л асуудал юм.

Эх сурвалж: ZARIG.MN

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НҮБ цагаачлалын тухай гэрээг баталжээ
Шалгуулах нь шалгуулаад цагаадах нь цагаадаад нэг талдаа гаръя
Албан тушаалтнуудын ХОМ-ийг бүртгэх бэлтгэл ажил эхэллээ
“Зайсан хилл”-д шинэ жилээ тэмдэглэсэн "НВЦ" компанийн 100 гаруй ажилчин хорджээ
Сэргээш хэрэглэсэн нь тогтоогдсон бөхчүүдийн улсын наадамд барилдах эрхийг хоёр жилээр хаслаа
Газрын тос боловсруулах үйлдвэрийн төмөр замыг хугацаанд нь барихаар УБТЗ шамдаж байна
Францын Страсбург хотод зэвсэгт халдлага гарч дөрвөн хүн амиа алдлаа
Энэ долоо хоногт гурван хүнд элэг шилжүүлэн суулгана
Г.Ууганбаатар: Монголынхоо нэрийг дэлхийд гаргасан “алгын чинээхэн” охиноороо бахархаж байна
Эмчээс ёс суртахуун нэхдэг мөртлөө үнэндээ таны ёс зүй, хүн чанар, хүнлэг байдал хаана байна?
ОПЕК: Газрын тосны гарцыг өдрийн 1.2 сая баррелиар танана
Отгонтэнгэр их сургууль Үндэсний хэмжээний илтгэлийн тэмцээнийг амжилттай зохион байгууллаа
Өмнөд Солонгост таксины шинэ үйлчилгээг эсэргүүцсэн жолооч өөрийгөө шатаажээ
Талууд хамтран ажиллах санал солилцов
“Huawei”-ийн захирал 30 жилийн ял авч магадгүй
Хаалгаа цоожилж, гэр бүлийн хүчирхийлэл үйлджээ
УБЦТС-ын захирал Д.Баярсайхантай хэзээ хариуцлага тооцох вэ?
Саудын Араб сэтгүүлчийн аллагын аудио бичлэгт хөрөөний дуу сонсогдож байгааг CNN мэдээлжээ
“Сансарын “KFC” хоолны газар буу гаргаж танхайрсан этгээдийг шалгаж байна
ЕБС-ийн ахлах ангийн сурагчдын дунд хамгийн өндөр шагналтай үндэсний илтгэлийн тэмцээн эхэллээ