Дэлхийн хамгийн азгүй нэр дэвшигч 96 дахь сонгуульдаа өрсөлдөж байна

2018-09-24

Эдүгээ 67 настай Жон Тюрмел өөрийн амьдардаг Канадын Онтарио мужийн 100,000 орчим оршин суугчтай Брэнфорд хэмээх жижиг хотын даргын суудалд өрсөлдөж байна.

Түүнийг Канадын хэвлэлүүд “улс төрийн супер азгүй хүн” хэмээн нэрлэдэг. Учир нь Тюрмел энэ жил 96 дахь сонгуульдаа өрсөлдөж байгаа юм. Өөрийгөө мэргэжлийн мөрийтэй тоглогч гэдэг тэр анх 1979 онд Канадын парламентын сонгуульд нэр дэвшиж байжээ. Тухайн үед түүний ажиллуулдаг хууль бус мөрийтэй тоглоомын газрыг цагдаа нар хаасан тул Канадад мөрийтэй тоглоомыг зөвшөөрүүлэхийн тулд нэр дэвшсэн юм.

Улмаар сүүлдээ тэр биеэ үнэлэгчид, хар тамхичдын эрхийг хамгаалахаар нэр дэвшдэг болсон байна.

Эхний сонгуульд Тюрмел 193 санал авч байсан бол өнгөрсөн 40 орчим жилийн хугацаанд 95 удаа янз бүрийн сонгуульд өрсөлдөхдөө 11-ээс 4,500-ын хооронд санал авч байжээ.

Сүүлдээ тэр сонгуульд ялах нь чухал биш, сонгууль бол өөрийн үзэл санааг олон нийтэд хүргэх хамгийн хямд арга гэж үзэх болсон байна.

Жишээ нь нэг удаа Тюрмел хүүгүй зээлийн системийг нэвтрүүлэх “зөөлөн капитализм”-ын санаагаа сонгогчдод танилцуулж байсан гэнэ.

Тэрээр дээр нь “Инженер Тюрмел” хэмээн бичсэн цагаан өнгийн дуулга малгай өмсөж, сонгогчидтой уулздагаараа алдаршсан. Учир нь Тюрмел цахилгааны инженерийн бакалавр зэрэгтэй тул өөрийгөө ингэж танилцуулах болсон гэнэ.

Сүүлийн жилүүдэд тэр сонгуулийн сурталчилгаа хийхээ больж, нэр дэвшигчдийн халз мэтгэлцээнд л оролцдог болсон байна. Хэвлэлүүдэд түүний дэвшүүлж байгаа санааны талаар дуулиантай мэдээлэл гарч, өөрийг нь “супер ялагдагч” хэмээн егөөдөхөд Тюрмел санасандаа хүрлээ гэж үздэг ажээ.

Энэ олон жилийн турш олон сонгуульд ялагдсандаа сэтгэл гутардаг эсэхийг асуухад Тюрмел “Би огт харамсдаггүй. Над шиг мөнгөгүй хүн мөрийтэй тоглоомноос олсон мөнгөөрөө сонгуульд нэр дэвшихэд юунаасаа ичих вэ?” хэмээн хэвлэлд ярьжээ.

Эх сурвалж: The Guardian

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НҮБ цагаачлалын тухай гэрээг баталжээ
Шалгуулах нь шалгуулаад цагаадах нь цагаадаад нэг талдаа гаръя
Албан тушаалтнуудын ХОМ-ийг бүртгэх бэлтгэл ажил эхэллээ
“Зайсан хилл”-д шинэ жилээ тэмдэглэсэн "НВЦ" компанийн 100 гаруй ажилчин хорджээ
Сэргээш хэрэглэсэн нь тогтоогдсон бөхчүүдийн улсын наадамд барилдах эрхийг хоёр жилээр хаслаа
Газрын тос боловсруулах үйлдвэрийн төмөр замыг хугацаанд нь барихаар УБТЗ шамдаж байна
Францын Страсбург хотод зэвсэгт халдлага гарч дөрвөн хүн амиа алдлаа
Энэ долоо хоногт гурван хүнд элэг шилжүүлэн суулгана
Г.Ууганбаатар: Монголынхоо нэрийг дэлхийд гаргасан “алгын чинээхэн” охиноороо бахархаж байна
Эмчээс ёс суртахуун нэхдэг мөртлөө үнэндээ таны ёс зүй, хүн чанар, хүнлэг байдал хаана байна?
ОПЕК: Газрын тосны гарцыг өдрийн 1.2 сая баррелиар танана
Отгонтэнгэр их сургууль Үндэсний хэмжээний илтгэлийн тэмцээнийг амжилттай зохион байгууллаа
Өмнөд Солонгост таксины шинэ үйлчилгээг эсэргүүцсэн жолооч өөрийгөө шатаажээ
Талууд хамтран ажиллах санал солилцов
“Huawei”-ийн захирал 30 жилийн ял авч магадгүй
Хаалгаа цоожилж, гэр бүлийн хүчирхийлэл үйлджээ
УБЦТС-ын захирал Д.Баярсайхантай хэзээ хариуцлага тооцох вэ?
Саудын Араб сэтгүүлчийн аллагын аудио бичлэгт хөрөөний дуу сонсогдож байгааг CNN мэдээлжээ
“Сансарын “KFC” хоолны газар буу гаргаж танхайрсан этгээдийг шалгаж байна
ЕБС-ийн ахлах ангийн сурагчдын дунд хамгийн өндөр шагналтай үндэсний илтгэлийн тэмцээн эхэллээ