Уншигч та бүхэндээ "Бяслагтай зраз" хоолыг хэрхэн хийх талаар зааврыг хүргэе.

Орц: 
-Үхэр татсан мах 500гр 
-Талхны хатсан үйрмэг 150гр
-Моцарелла бяслаг (Хатуу бяслаг) 150гр
-Өндөг 1ш
-Давс
-Сонгино
-Сармис

Хийх арга: 
1. Машиндсан махаа өндөг, давс, жижиглэн хэрчсэн сонгино, сармис болон хэрэгтэй бусад амтлагчуудтайгаа сайтар холино. Ингэхдээ талхны хатсан үйрмэг, эсвэл зөөлөн талхийг усанд дэвтээн хутгаж өгвөл илүү сайн барьцалддаг.

2. Амталсан махнаасаа бага зэрэг тасалж авна. Харин бяслагаа махнаасаа 2 дахин жижиг хэмжээтэйгээр хэрчин, голд нь хийж, бөөрөнхийлөөрэй.

3. Бөөрөнхийлсөн махаа хайруулын тавганд хийн 2-3 минут шаран, дээрээс нь 2 аяга ус хийн ширгэтэл нь буцалгаж болгох ба эсвэл 200 градуст халаасан шарах шүүгээнд 10-15 минут шарж болгоно.

4. Хачирт нь гоймон, будаа, ногооны салат хийж болно. Энэ бол таны сонголт.
Гэрийн эзэгтэй та өнөө оройн хоолондоо энэхүү зразыг бэлдэж гэр бүлийнхэндээ бэлэг бариарай.