Нийслэлийн ИТХ-ын 2016 оны ээлжит сонгуульд оролцох хүсэлтээ нийслэлийн сонгуулийн хороонд өгч байна

2016-04-29

Сонгуулийн тухай хуулийн 153 дугаар зүйлд намыг төлөөлж тухайн аймаг, нийслэл, сум, дүүрэг дэх намын салбар байгууллага нь сонгуульд оролцох хүсэлтээ аймаг, нийслэл, сум, дүүргийн сонгуулийн хороонд санал авах өдрөөс 60-аас доошгүй хоногийн өмнө ирүүлнэ гэж заасны дагуу улс төрийн нам, эвсэл, бие даан нэр дэвшигчид 2016 оны сонгуульд оролцох хүсэлтээ Сонгуулийн ерөнхий хороонд албан ёсоор хүлээлгэн өгч эхэлсэн.
Өчигдөр буюу 04 сарын 28-нд Үндэсний Аудитын газрын харьяа нийслэлийн Аудитын газар нийслэлийн Иргэдийн төлөөлөгчдийн хурлын 2016 оны ээлжит сонгуульд оролцохоор бүртгүүлэх хүсэлт гаргасан улс төрийн нам, эвслийн ирүүлсэн “Сонгуулийн мөрийн хөтөлбөр”-т Монгол Улсын Сонгуулийн тухай хуулиар тодорхойлсон бүрэн эрхийн хүрээнд аудит хийн дүгнэлт гаргаж, нийт 16 нам, эвслийн мөрийн хөтөлбөрийг нийслэлийн Сонгуулийн хороонд хүлээлгэн өгсөн юм.
Нийслэлийн сонгуулийн хороо өнөөдөр 22:00 цаг хүртэл нийслэлийн ИТХ-ын 2016 оны ээлжит сонгуульд оролцох 14 нам, 2 эвслийн хүсэлтийг хүлээн авах бөгөөд хамгийн эхэнд 10:10 цагаас Монгол ардын хувьсгалт нам, дараа нь Монголын ардчилсан хөдөлгөөний нам, нийслэлийн Бүгд найрамдах нам сонгуульд оролцох хүсэлтээ өглөө. Харин 11:40 цагаас Нийслэлийн Монгол ардын нам, 12:30 цагаас Нийслэлийн Ардчилсан нам нийслэлийн ИТХ-ын 2016 оны ээлжит сонгуульд оролцохоо албан ёсоор мэдэгдэж, мөрийн хөтөлбөрөө хүлээлгэн өгөв. Намууд Монгол Улсын Үндсэн хууль, Сонгуулийн тухай хууль, бусад хуулийг чандлан баримталж, сонгуульд оролцохоо мэдэгдлээ.

Нийслэлийн сонгуулийн хороо дараах 16 нам, эвслийн хүсэлтийг хүлээн авна. Үүнд:

  • Нийслэлийн Ардчилсан нам
  • Нийслэлийн Монгол ардын нам
  • Нийслэлийн Монгол ардын хувьсгалт нам
  • Иргэний зориг ногоон нам
  • Нийслэлийн Бүгд найрамдах нам
  • Ард түмнээ хайрлая нам
  • Хөдөлмөрийн үндэсний нам
  • Нийслэлийн Монголын уламжлалын нэгдсэн нам
  • Нийслэлийн эрх чөлөөг хэрэгжүүлэгч нам
  • Хөгжлийн хөтөлбөр нам
  • Тусгаар тогтнол, эв нэгдлийн нам, Монголын ногоон намын “Нэгдмэл монгол” эвсэл
  • Хамуг Монголын хөдөлмөрийн нам, Эх орончдын нэгдсэн намын “Эх орончдын нэгдсэн эвсэл”
  • Монголын ардчилсан хөдөлгөөний нам
  • Нийслэлийн Монголын үндэсний ардчилсан нам
  • Монгол Консерватив нам
  • Иргэний хөдөлгөөний нам

 

НИЙСЛЭЛИЙН СОНГУУЛИЙН ХОРОО 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Удаан хүлээгдсэн Улаанбаатар-Сөүл-Улаанбаатар нислэгийн тийзний үнийг бууруулах тухай хэлэлцээр хийгдэж байна
Гахайн мялзан өвчнөөс сэргийлэх зөвлөмжийг хүргүүллээ
НҮБ-ын гурван ажилтан тутмын нэг нь бэлгийн дарамтад өртөж байсан гэжээ
БОКС: Канело Алварес – Даниель Жэкобс нар тулна
Фэйсбүүк Оростой холбоотой 500 гаруй хаягийг хаажээ
Сандра Буллокийн гол дүрд нь тоглосон "Bird Box" кино ч "Netflix"-ийн орлогыг таамагласан хэмжээгээр өсгөж чадсангүй
2018 онд замын хөдөлгөөний аюулгүй байдлын зөрчил хамгийн их гарчээ
Тэтгэврийн зээлийн хүүг 10 хувь болгон буурууллаа
“Good Price", "Номин" супермаркетууд хугацаа хэтэрсэн бүтээгдэхүүн борлуулж байжээ
Алхалт нь илүүдэл жингээс сэргийлж чадна
Кисэносато: Монгол сүмочдод баярлаж явдаг
Монголчууд цагаан сард зориулж дунджаар 357 тэрбум төгрөгийг гадагш гаргаж байна
0-5 настай хүүхдээ эмчлүүлж буй эцэг, эхэд 3-5 хоногийн ЦАЛИНТАЙ ЧӨЛӨӨ олгох тогтоол гаргалаа
Кенийн нийслэлд террорист халдлага үйлджээ
"0-5 насны хүүхэдтэй эцэг, эхчүүдэд цалинтай чөлөө олгох асуудлыг өнөөдрийн Засгийн газрын хуралдаанаар хэлэлцээгүй"
Кадиллак хамгийн анхны цахилгаан автомашины зургийг ил болгов
Инженерийн чиглэлээр Украйн, Анагаахын чиглэлээр Унгарт сурч болно
Хиймэл үүл үүсгэж, агаарын бохирдлыг бууруулна
Мөсөн дээгүүр явах, авто тээвэр хийхгүй байхыг анхааруулав
Кисэносато аварга зодог тайлна