“BAIGALI“ аппликейшнаар дамжуулан Монгол орны ховор, нэн ховордсон амьтан, ургамлын зүйл бүрээр хайлт хийж, дэлгэрэнгүй мэдээлэл авах боломжтой ба Монгол хэл дээр системчлэгдсэн төдийгүй хүн бүр үнэ төлбөргүй утсандаа татаж, ашиглах боломжийг бүрдүүлсэн байна.

Уг аппликейшинд биологийн олон янз байдлын 3000 орчим зүйлийн амьтан, ургамлын мэдээллийг багтаажээ.

Мөн хэрэглэгч бүр байгаль, ургамал, амьтны зураг, ажиглалт, газар зүйн байршил, цаг хугацаа зэргийг хамт илгээж, нэмэлт мэдээлэл байршуулах боломжтой.

“BAIGALI“ аппликейшнаар дамжуулан Монгол оронд ургадаг олон төрөл зүйлийн амьтан, ургамлын мэдээллийг нэг төвлөрсөн системээс авч болохоос гадны нэмэлт мэдээлэл байршуулж, баяжуулах боломжтой юм байна.

Гадаад, дотоодын жуулчид аялах чиглэлээ шийдэхээсээ өмнө зөвхөн санал болгож буй үйлчилгээний талаар төдийгүй байгалийн тухай мэдээлэл авахын тулд интернэтийг түгээмэл ашигладаг. Тиймээс Монгол улсын биологийн олон янз байдлыг илэрхийлэх “BAIGALI“ аппликейшныг аялал жуулчлалын салбарын маркетингийн чухал хэрэгсэл болгох цаашлаад хүн бүрийн хэрэглээнд нэвтрүүлнэ.

Гадаадын жуулчид өөрсдийн нүдээр үзсэн байгалиа хамгаалахад хөрөнгө оруулалт хийдэг эдийн засгийн үр ашигтай талбар болно хэмээн БОАЖЯ-ны зүгээс үзэж байна.