Орон гэргүй хүнээр даажигнасан YouTube од шоронд хоригдох ял сонслоо

2019-06-04

Испанийн YouTube од орон гэргүй хүнд шүдний оон хавчуургатай жигнэмэг өгч идүүлж байгаагаа олон нийтэд наргиа болгон үзүүлсэн нь түүнийг гэмт хэрэгтэн болгожээ.

Барселона хотын шүүх өчигдөр онлайн орчинд ReSet нэрээр алдаршсан Канхуа Рэнд 15 сар шоронд хоригдох ял оноож, хохирогчид 20,000 еврогийн нөхөн төлбөр төлүүлэх шийдвэр гаргасан байна.

Үүнээс гадна ReSet таван жилийн хугацаанд сошиал үйлчилгээ ашиглах эрхгүй болжээ. Хятадад төрж, Испанид өссөн ReSet нь Испани болон Латин Америкийн хамгийн алдартай 200 YouTube-чний нэг бөгөөд 1.1 сая дагагчтай юм.

2017 онд тэр Oreo жигнэмэгний хавчуургыг арилгаад оронд нь шүдний оо хийснээ Барселоны гудамжинд амьдардаг Румынээс ирсэн орон гэргүй хүнд өгч идүүлжээ. Орон гэргүй эр уг жигнэмэгийг нь идээд бөөлжиж байгаа бичлэгийг ReSet нийтэд үзүүлж, зугаацаж байсан юм.

Дараа нь тэр “Магадгүй би дэндүүлсэн байх. Гэхдээ сайн талыг нь харвал би түүнд шүдээ цэвэрлэхэд нь тусаллаа шүү дээ. Тэр лав гудамжинд гарснаасаа хойш шүдээ угаагаагүй байх” гэж YouTube од тухайн үед тайлбарлаж байжээ.

Гэвч энэ бичлэг олон нийтийг бухимдуулж, удалгүй бичлэгээ YouTube сүлжээнээс устгасан юм. Дараа нь ReSet орон гэргүй хүнийг олж уулзаад охинд нь 300 евро өгч, гомдол гаргахгүй байхыг хүсэж байв.

Барселоны шүүх түүнийг хүний ёс зүйн хэм хэмжээг зөрчсөнд буруутгажээ.

Ийм үйлдэл хийснээрээ ReSet олны анхаарлыг татаж, сурталчилгааны орлогоо өсгөх зорилго агуулсан гэж бас буруутгасан байна.

Гэхдээ тэр шоронд хоригдох ялыг биеэр эдлэхгүй бололтой. Испанийн хуулиар анх удаа гэмт хэрэг үйлдэхдээ хоёр жилээс бага хугацаанд хоригдох ял сонссон этгээдийг шийтгэлээс чөлөөлдөг байна.

Эх сурвалж: The Guardian

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Отгонтэнгэр их сургууль Олон улсын стандартын 2 дахь удаагийн баталгаажуулалтыг амжилттай хамгааллаа.
Отгонтэнгэр их сургуулийн багш нарын орчуулсан "Индра Ганди захирах зөн" номын нээлт боллоо
Өнөөдөр Улаанбаатарт 21 хэм дулаан
Ерөнхий сайдын нэрэмжит тэтгэлэгт тэнцсэн 75 оюутанд батламж гардуулав
Улсын хэмжээнд АИ-92 шатахууны 42 хоногийн нөөцтэй байна
“Quad”-ийн удирдагчдын дээд хэмжээний уулзалт эхэллээ
'BAIGALI“ аппликейшнд 3000 зүйлийн амьтан, ургамлын мэдээлэл багтжээ
Хөдөө аж ахуйн ээлжит тооллогод идэвхтэй хамрагдахыг уриалж байна
Замын-Үүдээр задгай вагоны тээврийг нэвтрүүлж эхэллээ
ОТГОНТЭНГЭР ИХ СУРГУУЛЬ “ХҮҮХДИЙН ХӨГЖИЛ, ТӨЛӨВШИЛ” ЭРДЭМ ШИНЖИЛГЭЭНИЙ ХУРЛЫГ 10 ДАХЬ ЖИЛДЭЭ ЗОХИОЖ БАЙНА
Шанхай хотод хатуу хөл хорио тогтоохоор болжээ
Уилл Смит тайзан дээр гаргасан үйлдлийнхээ төлөө Крис Рокоос уучлалт гуйлаа
Cургууль, цэцэрлэг, дотуур байрны нүхэн жорлонг шинэчлэхэд 100 тэрбум төгрөг зарцуулна
Өнөө маргаашдаа нутгийн зүүн хэсгээр салхитай хүйтэн байна
Европын холбооны Erasmus+ төслийн хүрээнд “Ажлын байранд суурилсан сургалт” үндэсний хэлэлцүүлэг болно
Гашуунсухайт боомтоор өдөрт 200 тээврийн хэрэгсэл нэвтэрч буйг ирэх сарын 1-нээс 300 болгоно
Өмнөд Солонгосын шинэ Ерөнхийлөгч Юн Сук Ёл гэж хэн бэ?
Японд барилгын ган арматур сүүлийн 14 жилийн хугацаанд дээд цэгтээ хүртэл өсжээ
Сэрэмжлүүлэг: Гадаадын иргэд цахим сүлжээ ашиглан их хэмжээний мөнгө залилж байгаа тул анхаарал, болгоомжтой байна уу!
Говь, тал, хээрийн нутгаар хүчтэй салхи, шороон шуургатай байхыг анхааруулж байна