2019-05-03
Энэ долоо хоногт буюу дөрөвдүгээр сарын 30-наас тавдугаар сарын 2-ны өдрүүдэд Тээврийн цагдаагийн алба нь нийт 1082 дуудлага хүлээн авснаас зам тээврийн ослын шинжтэй 787 дуудлага, мэдээллийг хүлээн авч, шалгажээ. Бүртгэгдсэн осол, хэргийн улмаас нийслэл хотод 31 хүн гэмтэж, нэг хүний амь нас хохирсон ба орон нутагт бүртгэгдсэн таван ноцтой зам тээврийн ослын улмаас долоон хүний амь нас хохирч, найман хүн гэмтэж бэртсэн хэргүүдийг нутаг дэвсгэрийн цагдаагийн байгууллагууд шалгаж байна.
Тухайлбал, Тавдугаар сарын 2-ны өдрийн 18.25 минутын орчим Налайх дүүрэг гуравдугаар хороо Нарангийн 24-р гудамжны задгай хашаанд H.Accent маркын автомашины жолооч Б нь тус задгай хашаанд оршин суудаг хоёр настай М-г мөргөж амь насыг хохироогоод хэргийн газрыг орхиж явсан хэргийг Багахангайн хяналтын постод үүрэг гүйцэтгэж байсан алба хаагч илрүүлэн саатуулж шалгаж байна.
Мөн дөрөвдүгээр сарын 30-ны өдрийн 21 цагийн орчим Дархан-Уул аймгийн Хонгор сумын нутаг “Монгол зоог” гэх газрын урд замд Kia Granbird маркын автобусны жолооч нь явган зорчигч 45 настай Н-г мөргөж амь насыг нь хохироосон зэрэг ноцтой зам тээврийн ослууд бүртгэгджээ.
ЦАГ АГААР
°C/°C
°C/°C
°C/°C
Төстэй мэдээнүүд