Тонга улсын “цээж нүцгэн” ганц тамирчин гурав дахь олимпийн наадамдаа өрсөлдөнө

2019-04-30

Номхон далайн бяцхан арал улс Тонгаг төлөөлөн олимпийн наадамд оролцдог ганц тамирчин байдаг. Олимп болгоны нээлтийн ажиллагаанд улсынхаа далбааг мандуулан цээж нүцгэн алхдаг Пита Тауфатофуаг дэлхий нийт таньдаг болсон.

Одоо 35 настай Пита 2020 оны Токиогийн зуны олимпийн наадамд анх удаа хоёр өөр төрөлд зэрэг өрсөлдөхөөр болжээ.

Энэ нь түүний гурав дахь олимп гэдгээрээ онцлог. Токиод тэр таэквондо болон сэлүүрт завиар өрсөлдөхөөр болжээ. Пита “2020 онд би хоорондоо хамааралгүй гурван төрөлд өрсөлдсөн дэлхийн анхны тамирчин болохоос гадна нэг олимпийн наадамд хамааралгүй хоёр өөр төрлөөр оролцсон анхны хүн болох зорилготой” хэмээн ярьсан юм.

Тэрээр 2016 оны Риогийн зуны олимпийн наадамд таэквондогийн төрөлд оролцсон бол 2018 оны Пёнчаны өвлийн наадамд гүйлтийн цанаар оролцсон байна. Тухайн үед Пита амьдралдаа анх удаа цас харснаасаа хойш гурван сарын дараа олимпийн наадамд өрсөлдөж байжээ.

Энэ удаа тэр сэлүүрт завиар хичээллэж эхлээд бас гурван сар болж байгаа гэнэ.

2016 оны Риогийн наадмын нээлтэд гялайтал нь тосолсон нүцгэн цээж, Тонга үндэсний банзалтай Пита дэлхий нийтийн анхаарлыг татаж байв. 2018 онд Пёнчаны өвлийн олимпийн наадамд тэр даарахаас айлгүй мөн ингэж алхсан юм. Тэрээр гүйлтийн цанын тэмцээнд оролцсон нийт 118 тамирчнаас 114 дүгээрт барианд орсон амжилттай.

Тонга нь 100 мянга орчим полинез угсааны хүн амтай, ихэнхэд нь хүн амьдардаггүй 170 орчим жижиг арлаас бүрдэх вант улс.

Эх сурвалж: CNN

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!