АНУ-ын Caterpillar Inc компаний Талбайн хэсгийн зохицуулагч Чад Кременээр удирдуулсан багийнхан Cat машины тусламжтайгаар 7.3 тонн жинтэй Женга тоглоом тоглож Гиннессийн дээд амжилт тогтоолоо. 

Тус тоглоомыг Caterpillar буюу Cat үйлдвэрийн сэрээт өргөгч олон төрлийн ачигч, хавчдаг өргөгч, экскаватор машинуудыг ашиглан тоглосон юм. Ингэхдээ нэг бүр нь 40 см өндөр 272 кг жинтэй 27 ширхэг нарс модон блок ашиглажээ. АНУ-ын Иллинойс мужийн Эдуардс дахь Caterpillar-ийн туршилтын байгууламжид 28 цагийн турш тоглохдоо 13 давхар өрж, 16 блокийг шилжүүлжээ. 

Тэдний босгосон Женга цамхаг 6 метр хүрсэн нь Гиннесст бичигдэх гол үзүүлэлт болжээ. Чад Кремен “Бид ихэнх цагаа төлөвлөхөд зарцуулсан. Үүнийг бид яг бодит ажил дээрээ байгаа мэт аюулгүй байдлыг сайтар хангаж ажилласан” хэмээн сэтгэгдлээ хуваалцжээ. 

Эх сурвалж: Guinnessworldrecords.com