Хоёр жилийн өмнө 13 настай охин М-ийг зүй бусаар хүчирхийлж амийг нь хохироосон жигшүүрт хэрэг гарсан билээ.

Хэрэгт сэжиглэгдсэн М.Амарболд, Б.Жавхлан хоёрт анхан шатны шүүхээс бүх насаар нь хорих ялыг оноосон бөгөөд тэд одоо ялаа эдэлж байгаа.
Харин тэдний өмгөөлөгчид давж заалдах шатны шүүхэд гомдол гаргасан бөгөөд нэг нь бүх насаар хорих ялаа 15 жил болгохыг хүссэн бол нөгөө нь хэрэг хийгээгүй хэмээн хэргээ хүлээн зөвшөөрөхгүй байгаа юм.
Харин өнгөрсөн долоо хоногт болох байсан давж заалдах шатны хурал шүүгдэгчийн өмгөөлөгч ирээгүй гэсэн шалтгаанаар өнөөдрийг хүртэл хойшилсон байгаа.
Өнөөдөр 10.00 цагаас уг хурал эхэлсэн бөгөөд шүүгдэгчид онлайнаар шүүх хуралд оролцож байгаа юм.