2018-11-30
УИХ-ын гишүүн Д.Мурат чуулганы хуралдаанд орж ирлээ. Ийнхүү чуулганы хуралдааны ирц 73 боллоо. Өнөөдрийн хуралдаанаар Засгийн газрыг огцруулах эсэх асуудлыг хэлэлцэж байна.
УИХ-ын гишүүн Н.Номтойбаяр "Ерөнхий сайд та чуулганы эндэр дээрээс надаас хууль бус зүйл битгий шаардаарай гэсэн. Гэтэл таны Засгийн газарт ажиллаж буй сайд нар зохион байгуулалттайгаар ЖДҮХС-гаас зээл авсан. Та ЖДҮХС-гаас зээл авсан сайд нараа ашиг сонирхлын зөрчилтэй шүү дээ. Чуулганы танхимаас гар гээд хэлчих зориг алга уу" гэлээ.
Чуулганы хуралдаан үргэлжилж байна.
2018.11.30 11.24 цаг
ЧУУЛГАН: Д.Лүндээжанцан гишүүн орж ирж 72 гишүүн хуралд оролцож байна
Чуулганы хуралдаан үргэлжилж байна. Хуралдаанд УИХ-ын гишүүн Д.Лүндээжанцан орж ирсэнээр 72 гишүүний ирцтэйгээр хуралдаан үргэлжилж байна. Хуралдаанаар Засгийн газрыг огцруулах эсэхийг хэлэлцэж байна.
УИХ-ын гишүүн Ж.Мөнхбат "УИХ-ын дарга өөрөө хурлаа удирдахгүй гээд буучихаад байна. Гэтэл ЖДҮ-чид яагаад өөрсдөө саналаараа буухгүй байгаа юм бэ. Т.Аюурсайхан, Ж.Энхбаяр нар монголын шударга үнэний дуу хоолой гэнэ лээ. Та хоёр өөрсдөө ЖДҮ-чид биздээ. Ж.Энхбаяраа чи хэдэн алтны уурхай зарсан билээ" гэлээ.
2018.11.30 11 цаг 04 минут
ЧУУЛГАН: Г.Мөнхцэцэг, Д.Мурат, Б.Батзориг, Д.Лүндээжанцан нар чуулганы хуралдаанд ирээгүй байна
Чуулганы хуралдаан үргэлжилж байна. Өнөөдрийн хуралдаанд 75 гишүүнээс 71 нь оролцож 94.7 хувийн ирцтэй хуралдаж байна.
Тодруулбал, УИХ-ын гишүүн Г.Мөнхцэцэг, Б.Батзориг, Д.Лүндээжанцан, Д.Мурат нар хуралдаандаа ирээгүй байна. Эх сурвалжуудын мэдээлж байгаагаар Г.Мөнхцэцэг, Б.Батзориг нар гадаадад яваа сурагтай. Харин Д.Мурат ямар шалтгаанаар ийнхүү хуралдаандаа орж ирээгүй нь тодорхойгүй байна.
Харин Д.Лүндээжанцан Үндсэн хуулийн цэцийн хуралдаанд оролцож байгаа юм.
Чуулганы хуралдаан үргэлжилж байна.
ЦАГ АГААР
°C/°C
°C/°C
°C/°C
Төстэй мэдээнүүд