Дахиад "ТУУШИНДЪЯ" хотын дарга аа!

2018-10-17

Нийслэлийн Засаг дарга С.Батболд захирамж гаргаж Чойжин ламын сүм музей доторх барилга болон Туушин зочид буудлын урд талын шат бүхий хэсгийг АЛБАДАН БУУЛГАСАН нь олны талархлыг хүлээж байна. Төр төмөр нүүрээ Туушин зочид буудалд харуулж чадсан.

Түүний зоримог шийдлийн дараачаар иргэд дараагийн "туушиндах" барилга байгууламжийн саналыг ч гаргаад байна. Тухайлбал, Их тэнгэрийн амны замын эсрэг талд 2 га орчим газарт Туул голын бургасыг хядан, барилга байгууламж барьж буй  “Зүүнбаян рефайнери” компанийн талбай болон барилгыг "Туушиндах" санал гаргажээ.

Уг газарт “Зүүнбаян рефайнери” ХХК нь 2008 оны наймдугаар сарын 22-нд нийтдээ дөрвөн га газрыг аялал жуулчлалын зориулалтаар авсан байна. Гэвч Туул голын бургасыг хядаж байгаль орчинд хохирол учруулсан тул 2014 оны тавдугаар сард Богдхан уулын Хамгаалалтын газрын захиргаанаас тухайн ашиглаж буй газарт хяналт, шалгалт хийж, бургас мод сүйтгэсэн зөрчилд 6 сая 560 мянган төгрөгийн торгууль тавьж, төлүүлсэн байдаг.

Гэвч 2016 оноос бетон зуурмаг үйлдвэрлэх тоног төхөөрөмж оруулж, Туулын бургасыг олноор сүйтгээд зогсохгүй, БОАЖЯ-наас дахин 12 сая төгрөгийн торгууль ногдуулсныг мөн л төлжээ.
БОАЖЯ-наас тусгай зөвшөөрлийг цуцлахаа мэдэгдсэн ч НИТХ-ийн дарга С.Амарсайханы гэх “Зүүнбаян рефайнери” компани байгаль  орчны нөхөн сэргээлт хийх нь битгий хэл хашаагаа буулгахгүй, газар шорооны ажлаа үргэлжлүүлсээр байна.

Энэ талаар УИХ-ын гишүүн Б.Пүрэвдорж Өргөдлийн байнгын хорооны хурал дээр “Байнгын хорооноос газар чөлөөлөлтийн асуудалд анхаарлаа хандуулж байгаа ч ядарсан нэгэнд арга хэмжээ авчихаад, задарсан нэгнийг тойроод байгаа.  Зүүнбаян рефайнери гэж компанийн ард НИТХ-ын дарга С.Амарсайхан байгаа юм билээ. Энэ газрын захирамжийг хотын дарга С.Батболд хүчингүй болгож чадахгүй байна” хэмээн хэлж байв.

Харин НИТХ-ын дарга С.Амарсайхан “Нэг УИХ-ын гишүүн юм ярихаар хөөгөөд гүйгээд байх шаардлагагүй. Б.Пүрэвдорж гишүүн их хачин юм ярьж байна лээ. Нийслэлийн газрыг хэн олгож байгааг ч мэдэхгүй, ямар эрх үүрэгтэйг ч мэдэхгүй”  хэмээн тайлбар хэлж байжээ.

Туул голын бургасыг хядаж, байгаль орчинд үлэмж хохирол учруулж буй дээрх газрын захирамжийг хүчингүй болгож, ТУУШИНДАЖ өгнө үү, хотын дарга аа.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Уурын зуух дэлбэрч галч амиа алджээ
Ч.Чамин-Эрдэнийн ЗАДЛАН ШИНЖИЛГЭЭНИЙ ХАРИУ гарлаа
Бээжин хот агаарын бохирдлын шар гэрлээ асаажээ
Өвчнөө үл хайхран амжилтад хүрсэн алдартнууд
Япон залуу голограмаар бүтээсэн виртуал дуучин бүсгүйтэй гэрлэжээ
Дүүргүүдийг хуваахыг иргэдийн 60 гаруй хувь нь дэмжээгүй
Б.Махбалд холбогдох хэргийг прокурорт шилжүүлжээ
Жонни Деппийн шинэ кинонд 2 жүжигчин тоглож байна
АНУ-тай дайсганадаг 13 улс С-400 худалдаж авах хүслээ илэрхийлжээ
Шүүгдэгч Б.Жавхлант, М.Амарболд нар талийгч охиныг ээжийнхээ хамтаар биеэ үнэлдэг байсан гэжээ
Өндөр үнэтэй шахмал түлшийг түлэх айл олдохгүй нь
Машинтайгаа шатсан жолооч түлэнхийн шархаа даалгүй нас баржээ
А.Гитлер болон түүний бяцхан еврей найз
Гашуунсухайтын замд 1000 гаруй автомашин 5 хоног дугаарлаж байна
“Насанд хүрээгүй” аав ээжүүд
10 сартай хүүхдийн ходоод шархалсан тохиолдол бүртгэгджээ
Амьдралын төлөө эмэгтэйчүүд...
Тѳрѳѳд нэг хоносон бяцхан хүүг боомилж хөнөөсөн хэрэг гарчээ
АТГ: Сум хөгжүүлэх сангаас өөрийн хамаарал бүхий этгээдэд зээл олгожээ
Судалгаа: Амжилттай яваа хүмүүсийн ард “хатуу” ээж нар байдаг