Мексикийн арми мафийн гар хөл болсон цагдаа нарын зэвсгийг хураажээ

2018-09-27

Мексикийн өмнөд хэсгийн Акапулко хотын цагдаагийн газар хар тамхины мафийнхны гарт орсон тул засгийн газар нь цэрэг илгээж, тэдний зэвсгийг нь хураажээ.

Хотын цагдаагийн хоёр командлагч хүн амины хэргээр баривчлагдаж, бусад нь галт зэвсэг, радио холбоо, сумны хамгаалалттай хантааз зэргээ хураалгасан байна.

Далайн эргийн Акапулко хот нь нэгэн үе аялал жуулчлалын гол төв болж байсан ч сүүлийн жилүүдэд хар тамхины мафийнхны дайны талбар болсон юм.

Одоо тус хотод дэг журам сахиулах ажлыг засгийн газраас илгээсэн цэргүүд, цагдаагийн төв газраас илгээсэн албан хаагчид гүйцэтгэж байна.

Хотын цагдаагийн газарт гэмт хэрэгтнүүд шургалж, төвдөө захирагдахгүй болсон тул ийм арга хэмжээ авсныг Мексикийн эрх баригчид мэдэгджээ.

Өнгөрсөн онд 800,000 оршин суугчтай Акапулко хотын 100,000 хүнд ноогдох аллагын тоо 103 хүрсэн нь Мексикт төдийгүй дэлхийд дээгүүрт орох үзүүлэлт байв.

Тус хот дахь аюулгүй байдлын түвшнийг АНУ-ын тагнуулын төв газар Сири, Иракийн нөхцөл байдалтай зүйрлэж байжээ.

Мексикийн эрх баригчид өмнө нь мафийнхны гарт орсон орон нутгийн цагдаагийн газруудыг буулгах арга хэмжээ авч байсан ч Акапулко хот шиг том хотод хэрэгжиж байгаагүй юм.

Мэргэжлийн ур чадвар муу, цалин багатай цагдаа нар гэмт хэрэгтнүүдийн гарт орох тохиолдол Мексикт түгээмэл байдаг.

Эх сурвалж: Associated Press

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Керчийн коллежид амь үрэгдэгсдийн тоо 20 хүрлээ
Г.Цэнгэлбаяр: Гэр бүлийн хүчирхийллээс болж жилд зургаан мянган хос салж байна
Тамхи таталтын түвшин буурчээ
Танилц: “Эрдэнэс-тавантолгой”-н олон нийтийн зөвлөл
Монголын цагдаа түүнд мэхийн ёслов
Фан Бинбиний татварын хэргээс шалтгаалан Брюс Уиллисийн тоглосон киноны нээлтийг цуцаллаа
​Ирэх жил 42 мянган тонн нүүрс экспортолно
“Монгол туургатан” театрын шинэ байрны нээлт боллоо
"Дэлхийн мисс-2018"-д оролцох Э.Энхриймаа хүмүүнлэгийн төсөл эхлүүлжээ
Дахиад "ТУУШИНДЪЯ" хотын дарга аа!
Өөрийгөө нас барсан гэж зарлуулсан Украины авлигач Францын шилтгээнд амьдарч байжээ
"Шар хайрцаг" цагдааг "орлоно"
Түгжрэл ба "SCHOOL BUS"
ХУУРАМЧ МЭДЭЭГ НЯГТАЛЖ СУРЪЯ: Хятадууд вансэмбэрүү “түүсэн” жишээн дээр
Биеийн байдал нь хүнд байсан цагдаагийн алба хаагч таалал төгсжээ
Авто замын том уулзваруудад шар тэмдэглэгээ хийж байна
Цагдаагийн алба хаагчийг мөргөөд зугтсан этгээдүүдийг баривчилжээ
Биднийг төмөр замаа барьж амжаагүй байхад тэд ЖОЛООЧГҮЙ галт тэргээр тээвэрлэж байна
Манай тамирчид морьт харвааны ДАШТ-д түрүүлэв
Замын хөдөлгөөнд сөргөөр нөлөөлж зорчих хэсэг болон явган хүний зам дээр худалдаа эрхэлж буйг зогсооно