Японд байгалийн онц үзэгдлээс болж 220 хүн амиа алджээ

2018-09-05

Жэби хар салхи өчигдөр /2018.09.04/  үдийн үед Японы өмнөд хэсгийн газар нутгийг дайран өнгөрлөө. Жэби далайн хар салхинаас болж хоёр хүн нас барсан харамсалтай хэрэг гарсан бол 76 хүн гэмтэж бэртсэн гэж албаны хүн мэдээлжээ.

Жэби хар салхи нь Японд сүүлийн 25 жилд буюу 1993 оноос хойш тохиогоогүй маш хүчтэй хар салхинд тооцогдож байгаа юм. Салхины хурд цагт 162 км хүрсэн аж.

Осака, Киото, Нара, Хёго, Кагава, Эгиме, Вакаяма мужуудад нүүлгэн шилжүүлэлт хийгдсэн ба хар салхинд бэлтгэлтэй байсан нь харагдаж байна.

Хар салхи үдийн 13.00 цагийн үед Токушима мужийг дайран өнгөрсөн бол 14.00 цагийн үед Кобе хотыг дайрсан. Харин үдээс хойш 16.00 цагийн үед Фукуй хотыг дайран өнгөрсөн байна. Салхи цагт 65 км/ц хүртэл урагшилсан гэжээ. Үүний дараа хар салхи тус улсын зүүн хойд хэсгийг чиглэн Шига мужийн Хигашиомийг дайран өнгөрсөн ба энэ үеэр нэг хүн барилгад даруулж нас барсан байна. Нөгөө хүн нь Осака мужийн Сакай дахь гэрийнхээ шатнаас унаж нас барсан гэжээ.

Японы Осака хотын Кансай олон улсын нисэх онгоцны буудлын барилга тэр чигтээ усанд автсан байна. Нисэх зурвасууд бүгд усанд автсан ба усны түвшин 50 см-т хүрсэн гэжээ. Кансай олон улсын нисэх онгоцны буудал түр хугацаагаар хаалгаа барьсан ба хэзээ онгойх нь тодорхойгүй байгаа гэж мэдэгджээ. Кансай онгоцны буудалд хорогдож байгаа хүмүүсийг цаг агаарын нөхцөл байдал сайжиртал нисэх буудалд байрлахыг зөвшөөрөөд байна.

Мөн Осака хотын Изумисано хотын гүүрэн дээр явж байсан түлшний машин салхинд зам дээр хажуу тал руугаа унажээ. Хар салхины улмаас Кинки, Шикоку зэрэг газруудын 330 мянган айл өрх гэрэл цахилгаангүй болсон тухай албаныхан мэдээлсэн байна. Хар салхины зүүн хойд хэсгийг чиглэн урагшлахдаа салхины хурд суларна гэж тус улсын цаг уурын хүрээлэнгээс мэдэгдээд байна.

Японы Ерөнхий сайд Шинзо Абэ ард иргэдийн аюулгүй байдлыг хангаж ажиллахын тулд бүх л шаардлагатай арга хэмжээ авч, нүүлгэн шилжүүлэлт хийхийг Засгийн газартаа үүрэг болгосон билээ.

Нийт 700 гаруй нислэг цуцлагдсан ба орон нутгийн галт тэрэг, Токайдо Шинкансен, Санё Шинкансон зэрэг метроны шугамууд түр хугацаанд зорчигч тээвэрлэхээ зогсоосон байна. Өнгөрсөн наймдугаар сарын 23-нд Японы Шикокү арлыг дайран өнгөрсөн “Симарон” хар салхитай Жэби хар салхи тун төстэй гэж мэргэжилтнүүд үзэж байгаа юм. Японд зун, намрын улиралд хар салхи голчлон үзэгддэг ажээ.

Энэ оны байдлаар Японд цаг агаарын байдал тун хүндхэн болж өнгөрч байна. Учир нь долдугаар сард Японд агаарын хэм +40 хүртэл халж, дараа нь бороо орж үер буусан харин одоо хар салхи Японыг дайран өнгөрч нийт 220 хүн байгалийн онц үзэгдлээс болж амиа алдсан гэж бүртгэгдээд байна.

Лхагва гаригийн байдлаар Жэби далайн хар салхины хурд сулрах хандлагатай байгаа ба Японы далайн эргийн бүс нутаг болон Тохокуг чиглэх магадлалтай байгаа гэжээ.

View image on Twitter

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Ухаалаг утастай Монголчууд гадныханд жилд 48 тэрбум төгрөг төлдөг
METRO хот: Хүүхдийн автобусанд зам тавьж өгөөрэй
Путины сансрын мөрөөдлийг хулгайлсан авлигын сүлжээ
Б.Наранхүүгийн адуу улсын нөөц газрыг талхалж, малчид оторлох нутаггүй болжээ
Засгийн газрын хуралдаанаар Тува, Хонконг дахь Ерөнхий консулыг томиллоо
Монгол эмэгтэй онгоцонд хүний амь аварчээ
Хонгконгийн их сургууль "ДАЙНЫ ТАЛБАР" болж хувирав
ЖДҮХС-ГИЙН ХЭРЭГ: Б.Батзориг хэргээ хүлээн, зээлээ төлөх замаар ялаа хөнгөрүүлэх үү
Энэ өдөр дэлхийн түүхэнд
АНУ, БНХАУ-ын төлөөлөгчид худалдааны гэрээний эхний хэсгийг хэлэлцлээ
Дэлхийн нүүрсний зах зээлийг эзлэх ОХУ-ын төлөвлөгөө
Цагдаагийн байгууллагад цахим гэмт хэрэгтэй тэмцэх хүч байна уу?
Британид амиа алдагсдын шарилыг шилжүүлж авах зардлыг Вьетнамын засгийн газар иргэддээ зээлэхээр болжээ
Ж.Батзандан Б.Хурц нар шүүх дээр “уулзжээ”
87 настай эмэгтэй хүүхдүүдэд зориулан 75 малгай нэхэж, гадаа өлгөжээ
ЕТГ: “Чингис хаан” одонг THE HU хамтлагт олгохоор шийдвэрлэлээ
Албандаа 40 жил “зүтгэсэн” “Зил-130 АЦ 40”-ийг үзмэр болгов
Криштиано Рональдо түүхэн амжилт тогтооход нэг алхам дутуу байна
"Манай улс энэ сарын 26-нд хоёр сөнөөгч онгоц хүлээж авна"
Хонконгийн цагдаа нар эсэргүүцлийн хөдөлгөөний хэдэн арван оюутныг баривчилжээ