Өглөө буруу хооллох, хоосон гарах нь таргалахад хүргэдэг

2018-09-04

Мирей Гуильяно нэг номдоо франц эмэгтэйчүүд таргалдаггүй тухай, түүний үндсэн шалтгаан нь тэд өдрийн турш тэнцвэртэй хооллож, өл залгахаар юм иддэггүй тухай бичсэн байна.  Зүрх судасны мэргэжилтэн, “Каус Бичгийн хоолны дэглэм” номд бичсэнээр Артур Агастон: ”Бид өглөөний хоол идэхгүй байх тохиолдолд цусан дахь сахар унаж, өглөөд өлсөх мэдрэмж нэмэгдэж, улмаар чанарын хувьд эргэлзээтэй, их хэмжээний нүүрс ус агуулсан хүнсийг өдрийн цагаар идэхэд хүргэдэг бөгөөд энэ нь жин нэмэх баталгаатай арга юм.” гэжээ. Өглөөний ундыг яг ном ёсоор нь хэрэглэх тухай зөвлөгөөнд ямар нэгэн хувьсгалын шинжтэй зүйл мэдээж байхгүй. Гэсэн ч ихэнх хүмүүс үүнийг ердөөсөө тоодоггүй.  Хүнсний салбарын чиг хандлагыг 25 жилийн туршид судалж байгаа байгууллага америкчуудын 12% нь өглөөний ундыг байнга хэрэглэгдэггүй тухай дурдсан байна. Өглөөний унд бүтэн өдрийн турш өлсөх мэдрэмжийг маш их байлгадаг гэж цөөн зарим нь нотолж байна. Энэ нь тэдний өглөөд буруу (нүүрс ус) хүнс хэрэглэдэгтэй холбоотой бөгөөд энэ байдал өглөөний унд огт хэрэглэгдэггүй хүмүүсээс ердөө ч дээрдэх зүйлгүй гэдгийг хэвлэлд тэмдэглэж байна. Өдрийг хачиртай талх, амттан болон жүржийн ундаа, бусад цэвэрлэсэн нүүрс усаар эхлэх нь хоол идэх дуршлыг дарах биш харин түүнийг улам бүр дэврүүлж өгдөг гэж Нью-Йоркын “Гора Синай” анагаах ухааны сургуулийн хоолны дэглэм болон дотоод шүүрлийн булчирхайн гэмтлийг судалдаг мэргэжилтэн Уолтер Футтервэйт ярьж байна.

“Та гэнэт бага хэмжээний цэвэр сахар идэхэд нойр булчирхайг яаралтай инсулин ялгаруулах байдалд оруулж үүний үр дүнд цусан дахь сахарын хэмжээ унадаг. Нэг, хоёр цагийн дараа та дахиад л тавгүй байдалд орж, анхаарлаа төвлөрүүлэхэд төвөгтэй болж, дахиад жаахан юм идмээр болдог. “ Энэ битүү цикл” таныг бүтэн өдөржин ямар ч зохион байгуулалтгүй болгодог” гэж Футтервэйт ярьж байна. Түүнээс гадна өдрийн эхэнд хүмүүс хоол ундандаа анхаарал хандуулахын аргагүй маш их завгүй байдаг учраас өөрийгөө хоол идэхээс чөлөөлж, үд дунд хоол идэж эхэлдэг. Энэ тухай Галло “Хоолны дэглэм ба номлол” гэдэг номдоо бичсэн. Та 3-4 цаг хоолгүй явбал түүний дараа жигнэмэг, давстай савхан боов зэрэг энгийн нүүрс усан хоол хэрэглэж, энэ нь нейропептид Y үүсгэдэг инсулин болон ердийн уургийн төвшинг огцом нэмэгдүүлэхэд хүргэдэг. Төсөөлбөл бензинтэй талбай дээр шүдэнз зурсантай л яг адил гэж тэрээр тайлбарлаж байна. “Цадах мэдрэмж төрөхийн оронд танд хоолны дуршил огцом нэмэгдэж, та нэг ширхэг жигнэмэг идэхийн оронд бүхэл бүтэн боодол жигнэмэг иднэ.”

Сахарын төвшинг тогтвортой хадгалж, хоолны дуршлыг хянах аргын нэг нь хангалттай хэмжээний уурагтай өглөөний хоол идэх явдал юм: санаагаар болдог бол өглөөний хоол жишээлбэл өндөгний /зөвхөн цагаан нь/ уураг бүхий омлет болон тосгүй тараг байхад болж байгаа юм. Өдрийн хоолонд танд бага зэргийн ханасан уураг болон салат эсвэл бусад ногоо байхад таныг нэлээд хэдэн цаг цатгалан байлгана. Өдөр дунд жишээлбэл буцалгасан өндөг, тослог багатай бяслаг, уургийн энергитэй батончик зэрэг уураг, эд эс бүхий хүнсийг хөнгөн маягаар идэж болно. Үүний үр дүнд та 16 цагийн орчимд аврал хайсан мэт нүүрс усан хоол уруу харайхгүй байж чадна гэж сонин хэвлэлд бичсэн байна. Оройн хоолны үеэр та тийм ч их өлссөн байхгүй бөгөөд өөхгүй мах, салат эсвэл ямар нэгэн өөр ногоо идэхэд та сэтгэл хангалуун байж чадна.

Та үдэш орой ямар нэгэн юм идэхийг хүсвэл түргэн шингэж боловсрох, калор багатай, болж өгвөл уургийн агууламж өндөртэй хүнсийг сонгох хэрэгтэй.

“Та хэдий чинээ орой юм иднэ, нүүрс усны асуудалд маш болгоомжтой хандах хэрэгтэй” гэж Галло ярьж байна.  Хоолны дэглэм барьж амжилтад хүрсэн хүмүүсийн ихэнх нь эцсийн эцэст зөв өглөөний хоол тогтмол идэж сурсан гэж ярьж байна. Байнгын их ажилтай, өглөө хоосон гарч, хэт орой үйлчлүүлэгчидтэй буруу хоол идэхэд хүрдэг байсан нэгэн банкны ажилтан саяхан 38 кг хаясны дараа: “Би аарц, омлет зэрэг ямар нэгэн юм идэхэд өөрийгөө сургаж байна” гэж ярьж байна.

Түүнчлэн тэрээр ажил эхлэхээс өмнө өглөө 5 цагт эсвэл орой 11 цагт биеийн тамирын дасгал хийхэд өөртөө цаг гаргадаг болсон байна. “Намайг эхнэр маань солиорсон гэж бодож байгаа байх, гэхдээ надад хатуу төлөвлөгөө байгаа” гэж тэрээр хуучилжээ.  Бид албан тасалгаандаа хоол, хүнс идэхийг хориглосон гэж өөрийн эгч 59 настай Джойс Сигалтайгаа 43 кг жин хассан 57 настай Нэнси Шапиро ярьж байна. Тэд эхлээд өглөөний хоол, дараа нь уураг бүхий үдийн хоол, өдөр дундын эрүүл хүнс хэрэглэдэг болсон байна. Эгч дүү нар өсвөр насны хүүхдийн хувцас худалддаг худалдааны сүлжээ болох Жойс Лесли компаний хамтран эзэмшигчид юм. “Бид одоо өөрсдийн худалддаг бүтээгдэхүүнээ өмсөж болно” гэж Нэнси ярьж байна.  Ажил, хурал зөвлөгөөн дээр өөрийнхөө хүнсийг авчирч, баталгаагүй хүнснээс аль болох зайлсхийх-г Галло зөвлөж байна.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Өрхийн сарын дундаж орлого 77.7 мянган төгрөгөөр өсчээ
Архи борлуулдаг 100 аж ахуйн нэгжийн зөвшөөрлийг цуцаллаа
Дэлхий нийтийн махны хэрэглээ сүүлийн 50 жилд ГУРАВ дахин нэмэгджээ
С.Мөнхчулуун Ерөнхий сайдын босгыг давсангүй, одоо хэн бэ?
Албаны машинаар зорчигч, ачаа тээвэрлэж байгааг зогсоох үүрэг өгөв
Энэтхэгийн анхны хурдан галт тэрэг эхний аяллынхаа замд эвдэрчээ
“KFC” түргэн хоолны газрын бүх салбарыг хаана
Гол мөрний мөсөн дээгүүр зорчихгүй байхыг анхааруулж байна
Согтуу эмэгтэй нөхөр, дүү хоёроо хөнөөжээ
Болздоггүй хүндээ Валентины баяраар ил захидал зэргийг илгээх нь хүчирхийллийн нэг хэлбэр
О.Пүрэв дэлхийн аваргад өрсөлдөхөөр хүлгийн жолоо залжээ
АНУ-ын ерөнхийлөгч Дональд Трамп албан ёсоор “тарган” ангилалд багтах болжээ
Хар тамхи борлуулагчдын арга нарийсчээ
Шүүхийн ажилтан эд мөрийн баримтаар хураагдсан хар тамхийг худалдаалж байсан нь тогтоогджээ
Г.Марал-Эрдэнэ Монгол Улсаас анх удаа уран гулгалтын төрлөөр дэлхийн томоохон тэмцээнд оролцоно
Экс ерөнхийлөгч юуны учир яаран гарч ирэв?
Христийн шашин сурталчлах үйл ажиллагаа явуулсан төрийн бус байгууллагын зөвшөөрлийг цуцаллаа
Хөдөлмөрийн хөлсний доод хэмжээг 420 мянга болгоно
Цахилгаан менингит өвчнөөр таван хүүхэд өвчилжээ
Мал усгүйдэж, малчид малаа 3-5 км газар тууж худгаас усалж байна