2018-05-30
Тагтнаас дүүжлэгдэж байсан дөрвөн настай хүүг аварсан Малийн 22 настай дүрвэгч Мамуду Гассамагийн амьдрал эрчимтэй өөрчлөгдөж байна.
Тэр Бямба гарагт баатарлаг гавьяа байгуулж, Францын ардын баатар болсон бол Даваа гарагт ерөнхийлөгч Макронтой уулзаж, иргэншил авахаар болсон билээ.
Тэгвэл өчигдөр буюу Мягмар гарагт Гассама түргэвчилсэн шугамаар иргэний бичиг баримтын материалаа хүлээлгэж өгөөд дараа нь гал сөнөөх албанд зочилж 10 сар дагалдангаар ажиллах гэрээ байгуулжээ.
Энэ шатыг амжилттай дүүргэвэл тэр мэргэжлийн гал сөнөөгч болох юм. Гассамагийн дадлагажигчийн цалин сард 600 евро орчим байна гэж хэвлэлүүд мэдээлжээ. Тэрээр өмнө нь хууль бусаар барилгын хар ажил хийдэг байв.
Түүний иргэний үнэмлэх гурван сарын дотор гарах ёстой гэнэ. Гэвч хүний эрхийн байгууллагууд Францын засгийн газар Гассамагийн түүхийг суртал нэвтрүүлэгтээ ашиглан дүрвэгчдэд хангалттай санаа тавихгүй байгаагаа хаацайлж байна гэж шүүмжилж байгаа юм.
Зөвхөн Парисын хойд хэсэгт 2,000 гаруй дүрвэгч зам, талбайд хоноглон өдөр хоногийг өнгөрөөж байгааг тэд мэдэгдэж, дүрвэгчдийг нийгэмшүүлэх ерөнхий бодлого гаргаж, хэрэгжүүлэхийг шаардаж байна.
Эх сурвалж: The Guardian
ЦАГ АГААР
°C/°C
°C/°C
°C/°C
Төстэй мэдээнүүд