Өнөөдөр Хятадууд сарны сүүдэртэй талд ажиллах дэлхийн анхны хиймэл дагуулыг хөөргөнө

2018-05-21

Өнөөдөр буюу Даваа гарагт Хятад улс сарны дэлхий рүү хардаггүй, сүүдэртэй талд хүрэх анхны алхмаа хийх гэж байна. Чүэчяо нэртэй харилцаа холбооны хиймэл дагуул өнөөдөр баруун өмнөд Сичуань мужаас хөөрөх юм.

Уг хиймэл дагуул нь энэ оны сүүлээр саран дээр буух Чан И-4 станцтай эх дэлхийг холбогч гүүрийн үүрэг гүйцэтгэх юм. Өөрөөр хэлбэл сарны нөгөө талд байгаа станцтай дэлхий шууд холбогдох боломжгүй тул Чүэчяо хиймэл дагуул холбогч болж ажиллана.

Хэрвээ бүх төлөвлөгөө амжилттай хэрэгжвэл Хятад улс сарны нөгөө талд станцаа ажиллуулсан дэлхийн анхны улс болно.

Зөвхөн холбогчийн үүрэг гүйцэтгээд зогсохгүй Чүэчяо хиймэл дагуул нь Хятадын болон Нидерландын эрдэмтдийн бүтээсэн судалгааны төхөөрөмжүүдийг ажиллуулах юм.

Тухайлбал Чүэчяогийн сарны нөгөө талд ажиллуулах радио станц нь их тэсрэлтийн дараахан сансрын уудамд цацагдаж үлдсэн долгионыг хэмжиж, ертөнцийн үүслийн талаар мэдээлэл цуглуулна. Ийм дохио нь маш нам давтамжтай, бусад долгионд сарнидаг тул дэлхийгээс хэмжиж болдоггүй ажээ.

Эрт галавын 30 мегагерцээс бага давтамж бүхий дохиог бүртгэх зориулалттай антенныг Нидерландын Радбодын их сургуулийн астрофизикийн профессор Хейно Фалке тэргүүтэй мэргэжилтнүүд зохион бүтээсэн байна.

Ингэснээр “харанхуй үе” гэж эрдэмтдийн нэрлэдэг ертөнц үүсээд удаагүй байх үеийн тухай мэдээллийг олж авах юм. Ямар ч гадны шуугиангүй орчинд уг дохиог бүртгэх боломжтой тул сарны сүүдэртэй тал хамгийн тохиромжтой орчинд тооцогдож байна.

Хятад улс 2013 онд дэлхийн дагуул дээр Чан И-3 станцаа буулгаснаар саранд зочилсон гурав дахь улс болсон юм. Энэ оны сүүлээр буух Чан И-4 нь төмс, торгоны хүр хорхойн үүр зэрэг ургамлын үрийг саранд суулгаж турших зорилготой байна. Яваандаа тэд саран дээр байнгын судалгааны станцтай болохоор төлөвлөжээ.

Эх сурвалж: Quartz

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Хар тамхи хамжааргагүй болж, хяналтаас гарсаар байна
Улаанбаатарын цэвэр усны хангамж 68 сая орчим шоо метрээр нэмэгдэнэ
Сириэс АНУ-ын цэрэг гарсны дараа 200 “энхийг сахиулагч” үлдэхээр болжээ
Ханой хотын нэгэн үсчин Трамп, Ким хэлбэрийн засалтаар үнэ төлбөргүй үйлчилж байна
13 настай охины аминд хүрсэн этгээдүүдийг шүүх хурал болж байна
Хятадын “Зааны ясны хатан хаан” Танзанийн шоронд 15 жил хоригдох ял сонсов
Путины илгээлт: Орос улс хэнийг ч заналхийлдэггүй
Гавьяат тамирчин П.Орхоны барилдах эрхийг 2022 он хүртэл хасчээ
Хонинд явсан 13 настай охин сураггүй алга болоод зургаан сар болж байна
SOS: Тэмбүү Монголын залуусыг "ангуучилж" байна
Хууль бусаар хөрөнгөжсөн шүүгчид арьсаа хамгаалж эхэлсэн үү?
Монгол Улс ШХАБ-д гишүүнээр элсэх эсэх асуудлаар эцсийн шийдвэрийг УИХ гаргана
Д.Оюунхорол: Тендерийн хуулийг шинэчлэх шаардлагатай
Булган аймагт гарсан гэмтлийг засч, тоггүй сумдыг эрчим хүчээр хангажээ
Тажикстаны Цагдаагийн албаныхан урлагийн мэдрэмжтэй болно
Өрхийн сарын дундаж орлого 77.7 мянган төгрөгөөр өсчээ
Архи борлуулдаг 100 аж ахуйн нэгжийн зөвшөөрлийг цуцаллаа
Дэлхий нийтийн махны хэрэглээ сүүлийн 50 жилд ГУРАВ дахин нэмэгджээ
С.Мөнхчулуун Ерөнхий сайдын босгыг давсангүй, одоо хэн бэ?
Албаны машинаар зорчигч, ачаа тээвэрлэж байгааг зогсоох үүрэг өгөв