Аваргуудын лигийг март, Испанийн хамгийн шилдэг баг бол БАРСЕЛОНА

2018-04-30

Өнгөрсөн долоо хоногт Севильяг хожиж, Испанийн цомын тэмцээнд түрүүлсэн Барселона өнгөрсөн шөнө Ла Лигийн аваргын болзлоо хангаснаар Испанид давхар цохилт хийлээ. Гэхдээ 2016 оны адилаар Реал Мадрид Аваргуудын Лигт түрүүлвэл Барсагийн энэ бахдам амжилтыг харлуулах нь дамжиггүй.

Барса өнгөрсөн шөнө Ла Лигийн 35-р тойргийн тоглолтоо Кларенс Зеедорф дасгалжуулагчтай Депортивогийн талбайд хийж, 4:2-ын харьцаатай хожсоноор 4 тойргийн өмнө (34-р тойргийн тоглолтоо нөхөж хийнэ) аваргын болзлоо хангасан юм. Энэ тоглолтод Лионель Месси хэттрик хийж, үлдсэн гоолыг Филиппе Коутиньо оруулсан байна.

Каталоны клуб энэ улиралд авч болох гурван цомын хоёрыг нь ийнхүү өөрсдийн болгосон ч тэдний фанатууд Аваргуудын Лигт Ромад ялагдсан гутамшигтай үйл явдлыг мартаагүй нь мэдээж.

Тэдний заналт өрсөлдөгч Реал Мадрид Аваргуудын Лигийн хагас шигшээн хариу тоглолтоо маргааш Байерн Мюнхений эсрэг хийнэ. Эзэн хааны баг энэ жил Аваргуудын Лигт 3 жил дараалан, сүүлийн 5 жилд 4 дэхээ түрүүлэхийг зорьж буй.

2016 оны Аваргуудын Лигийн шигшээ тоглолтын өмнө Кристиано Роналду: “Хэрвээ бид Аваргуудын Лигт түрүүлвэл дотооддоо 2 цом авснаас илүү үнэ цэнэтэй” хэмээн хариулсан байдаг. Харин өнгөрсөн улиралд Зинедин Зиданы багаа удирдсан 100 дахь тоглолтын дараа хамгийн онцгой мөчийг нь асуухад Аваргуудын Лигийн 2 түрүүгээ ч биш, Ла Лигийн аварга болсон мөчөө нэрлэсэн билээ.

Реал Испанийн лигт 33 удаа түрүүлсэн байдаг нь рекорд үзүүлэлт. Харин Барса ийнхүү 25 дахь удаагаа аваргаллаа. Гэхдээ сүүлийн жилүүдэд Барса улам ойртсоор л байгаа. Сүүлийн 10 жилийн хугацаанд Барселона 7 түрүүлээд байгаа бол Реал Мадрид 2 удаа л лигийн аварга болсон.

Барсад 4 жилийн хугацаанд ажиллахдаа Ла Лигт 3, Аваргуудын Лигт 2 удаа түрүүлсэн Пеп Гуардиола энэ сард: “Аваргуудын Лигт 7 тоглолтод хожоод л түрүүлэх боломж бий. Лиг бол 10 сар үргэлжилнэ. Тиймээс уучлаарай, лиг нь илүү чухал” хэмээн хариулсан байдаг. Манчестер Сити нь Аваргуудын Лигээс хасагдсан учраас аргагүй ч үгүй биз гэж олон хүнд бодогдох нь лавтай. Гэхдээ түүний зөв. Хэн нь удаан хугацаанд тогтмол амжилтыг үзүүлэв гэдгийг харвал лигийн тэмцээн Аваргуудын Лигээс илүү.

Барселона энэ улиралд лигтээ нэг ч хожигдоогүй яваа. Тэд 34 тоглолтод 87 гоол оруулж, ердөө 21 гоол хаалгандаа алджээ. Харин тэдний  гол тоглогч Лионель Месси лигийн 32 дахь гоолоо оруулж, Европын алтан шаахай шагналыг дахин хүртэхэд ойрхон болоод байна.

Мадридын хэвлэлүүд Барсагийн амжилтыг аль болох харлуулахыг оролдож байгаа. Хэрэв Реал Мадрид Аваргуудын Лигт дахин түрүүлвэл тэдний зорилго биелэх нь тэр. Гэвч ийм зүйл болсон ч Ла Лигийн хамгийн шилдэг баг нь Барселона.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

"Дотоодын үйлдвэрээс авах боломжтой барааг тусад нь багцалж тендер зарлана"
“Хүнсний 20”-ийн нүхэн гарцыг өнөөдрөөс эхлэн дөрөвдүгээр сарын 25 хүртэл засварлана
Цахимд донтох өвчнөөр 338 хүүхэд эмчлүүлжээ
"ЖДҮХС-гаас зээл авсан таван гишүүнд холбогдох хэргийн мөрдөн байцаалт удахгүй дуусна"
Улсын хэмжээнд 2.4 сая төл бойжиж байна
Зургаан настай хүү золгүй байдлаар амиа алджээ
БНСУ-ын Ерөнхий сайд Ли Наг Ён Монгол Улсад айлчилна
Ц.Цолмон: Хань минь Ухааны найруулагч, хүний хайлан байсан юм
Орос, Хятад хоёр шинэ төмөр замаар холбогдлоо
Хятадын химийн үйлдвэрт гарсан дэлбэрэлтийн улмаас 44 хүний амь үрэгдэж, 640 хүн шархдаад байна
Дэлхий нийт хүүхдийн хүчирхийллийн эсрэг ингэж тэмцдэг
Өнөөдөр Казах түмний Наурызын баярын өдөр
Назарбаев ерөнхийлөгчөөр ажилласан жилүүдэд Казахстан хурдтай хөгжсөнийг илтгэх 5 баримт
2019 онд нээлтээ хийх дэлхийн ТОП-5 бүтээн байгуулалт
Ж.Азжаргал: Хойд эцэгтээ зодуулсан хүү хоёр удаа хагалгаанд орсон
Д.Оюунхорол: Тендерийн хар жагсаалтыг олон нийтэд зарлах хэрэгтэй
Хятадын эрдэмтэд цагдаагийн мөрч нохойг хувилан олшруулжээ
Хүүг зодсон хойд эцэгт найман жил хорих ял оноох хуулийн заалттай
Н.Назарбаевын шийдвэрийг улс орнууд ХЭРХЭН хүлээж авав!
“Х” тайланг “УСТГАХ” шинэ хууль