Баянхонгор аймгийн шүтээн болсон Номгон хайрхан уулын ар хормой Түйн голын толин цэнхэр мөсөн дээр “Түйн голын жавар 2018” өвлийн наадам ирэх сарын 03-нд зохион байгуулагдана.

Өвлийн наадмын хүрээнд Үндэсний сайхан хувцастай хос шалгаруулах, Мөсөн шагай, Шагай наадгай, Хээрийн цайны амт, “Баянхонгорт үйлдвэрлэв” гар урлал бэлэг дурсгал, цагаан идээ, үндэсний хувцас, үдийн амтат зоог гэх мэтчилэн иргэд, зочид төлөөлөгчдөд зориулсан онц сонирхолтой үзэсгэлэн худалдаа явагдах гэнэ. 

Мөн энэ жил Баянхонгор аймагтай хил зэргэлдээ орших Архангай, Өвөрхангай, Говь-Алтай, Өмнөговь аймгууд болон нутгийн зөвлөл, 20 сумд, баг, хороо, аймгийн нийт иргэдийг энэхүү өвлийн наадамдаа албан ёсоор урьж байгаа аж.