Ирэх сарын 3, 4-ний өдрүүдийн 18:00 цагаас Улсын драмын эрдмийн театрын уран бүтээлчид Ардын уран зохиолч Б.Лхагвасүрэнгийн "Тамгагүй төр" түүхэн эмгэнэлт жүжгийг тоглох гэж байна.

Тус жүжгийн найруулагчаар Монгол Улсын Урлагийн гавьяат зүтгэлтэн Ч.Найдандорж, хөгжмийн зохиолчоор Х.Булган, ерөнхий зураачаар Т.Ганхуяг /СТА/ нар ажилласан бол гол дүрүүдэд Монгол Улсын Ардын жүжигчин П.Цэрэндагва(Эгэрэг өрлөг), Монгол Улсын гавьяат жүжигчин Б.Жаргалсайхан(Арчуг хаан), СТА Б.Нармандах (Цэцэр хатан), СТА М.Тогтохжаргал (Гүргэл хатан) нар тогложээ.

Жүжгийн үйл явдлаас сийрүүлбэл хаан Арчугт их хатан Цэцэр, бага хатан Гүргэл нар нэг өдөр хоёр нуган үр төрүүлэн өгсөнд хаантан хурмаст тэнгэр хувь заяаны даажигналыг хэрхэхээ мэдэхгүй балмагдана.

Үр заяах битгий хэл үнэрийг нь мартсан их хатан болон бага хатан Гүргэлээс төрсөн хүү хааны итгэлт шадар Эгэрэгийн залиар солигдов. Хаан Арчугийн солигдон ирсэн хүү татаж унадаг өвчтэй, санаа муутай бол цус нэгт үр нь эрүүл саруул өсөн торниж, хувь заяаг өөрчилсөн Эгэрэг шадрын хаан сэнтийд санаархсан хүсэл цуст мөрийг дагуулдаг билээ.

Тасалбарын үнэ суудлын зэрэглэлээс хамааран (10.000₮ 15,000₮ 20,000₮ 25,000₮ 30,000₮) өөр байх бөгөөд тасалбарыг УДЭТ-ын касс, www.ticket.mn, үнэгүй хүргэлт 1900-1800-гаар энэ сарын 19-нөөс худалдаалж эхлэх юм. Дэлгэрэнгүй мэдээллийг 99026929, 99199794, 89403070, 96117878 авах боломжтой.