Давс багатай бүтээгдэхүүн үйлдвэрлэлийг дэмжинэ

2018-01-12

Давс багатай бүтээгдэхүүн үйлдвэрлэлийг дэмжинэ

Сүүлийн жилүүдэд Монголчуудын давсны хэрэглээ ДЭМБ-ын зөвлөмж хэмжээнээс 2,5 өндөр (хоногт 11,1гр) буюу хүн амын 90,7% нь хоол хүнсэндээ давс их хэрэглэдэг, үйлдвэрийн аргаар боловсруулсан хүнсний 81.6%, хоол үйлдвэрлэлийн бүтээгдэхүүний 83.6% нь давсны агууламж ихтэй, нөгөө талаар давсны зохисгүй хэрэглээтэй холбоотой артерийн даралт ихсэх, цус харвалт зэрэг зүрх судасны өвчлөл буурахгүй байгаа нь эрүүл мэндийн статистик дүн, хүн амын дунд хийсэн халдварт бус өвчлөл, хоол тэжээлийн судалгааны дүн нотлоод байна.

Монгол улсын Засгийн газрын 2016-2020 оны үйл ажиллагааны төлөвлөгөөг хэрэгжүүлэх, “Эрүүл хүнс-Эрүүл Монгол хүн” зорилтын дор Монгол хүний давсны зохистой хэрэглээг хэвшүүлэх, иоджуулсан давсны дотоодын үйлдвэрлэлийг дэмжих, давс багатай хоол, хүнсний үйлдвэрлэлийг нэмэгдүүлэхэд чиглэсэн үйл ажиллагааг хэрэгжүүлснээр 2020 он гэхэд үйлдвэрийн аргаар боловсруулсан зарим төрлийн хүнсний бүтээгдэхүүн, хоолны давсны агууламжийг 30% хүртэл бууруулна гэсэн зорилт тавьсан.

Хүнс, хөдөө аж ахуй, хөнгөн үйлдвэрийн яам, Эрүүл мэндийн яам, Нийгмийн эрүүл мэндийн Үндэсний төв, Улаанбаатар хотын Захирагчийн ажлын алба, Мэргэжлийн хяналтын ерөнхий газар, Хүнсчдийн холбоотой “Давс багатай бүтээгдэхүүн үйлдвэрлэлийг дэмжье” арга хэмжээг 2018 оны 02-р сараас 2019 оны дуустал 2 үе шаттай хэрэгжүүлэхээр төлөвлөн, арга хэмжээний удирдамж, шалгаруулах үзүүлэлтийг батлуулан, нийслэл хотод хүнс болон хоол үйлдвэрлэлийн чиглэлээр үйл ажиллагаа эрхэлж буй аж ахуйн нэгжүүдийн удирдлага, ажилтан ажилчдыг оролцуулсан танилцуулах уулзалтыг зохион байгуулав.

Уулзалтыг ХХААХҮЯ-ны Төрийн нарийн бичгийн даргын үүргийг түр хариуцагч, Төрийн захиргааны удирдлагын газрын дарга Д.Энхбат, Нийгмийн эрүүл мэндийн Үндэсний төвийн Хоол судлалын албаны дарга Ж.Батжаргал, Улаанбаатар хотын Захирагчийн ажлын албаны Хүнс, худалдаа, үйлчилгээний хэлтсийн дарга Д.Оюунболор нар нээж үг хэлэн, уг арга хэмжээг амжилттай хэрэгжүүлэхэд төр болон төрийн бус байгууллага, хоол, хүнс үйлдвэрлэгчдийн хамтын ажиллагаа чухал болохыг онцлов.

Уулзалтад хоол, хүнс үйлдвэрлэгчдийн төлөөлөл 110 гаруй хүн оролцож, “Халдварт бус өвчний асуудлаарх ДЭМБ-ын бодлого, стратеги”, “Давсны хэрэглээг бууруулах стратеги”, Монголчуудын давсны хэрэглээ, “Давс багатай бүтээгдэхүүний үйлдвэрлэлийг дэмжье” арга хэмжээний удирдамж, шалгаруулах шалгуур үзүүлэлтийг танилцуулга, “Бүтээгдэхүүнийхээ давсны агууламжийг бууруулсан “Талх чихэр” ХК, “Мах маркет” ХК-ын туршлага, мэдээлэлтэй танилцан, арга хэмжээг зохион байгуулах талаар санал солилцов.

Энэхүү арга хэмжээнд оролцох хүсэлттэй хоол, хүнс эрхлэгч аж ахуй нэгж 2018 оны 01-р сарын 22-ны дотор материалаа (энд дарж мэдээлэл авах) ирүүлэн бүртгүүлснээр батлагдсан төлөвлөгөөний дагуу хамтарч ажиллан, хоол, хүнсний бүтээгдэхүүнийхээ давсны агууламжийг үе шаттайгаар бууруулах юм.

Хоол, хүнсний бүтээгдэхүүнийхээ давсны агууламжийг бууруулж, үр дүнд хүрсэн аж ахуй нэгж, бүтээгдэхүүнийг “Давс багатай талх, гурилан бүтээгдэхүүн”, “Давс багатай махан бүтээгдэхүүн”, “Давс багатай нөөшилсөн ногоо”, “Давс багатай хоол”, “Давс орлуулагч, хүнсний шинэ жор технологи”, “Давс багатай хоол үйлдвэрлэгч”, “Давсны зохистой хэрэглээг дэмжигч байгууллага” гэсэн 7 номинациар шалгаруулж, шалгарсан бүтээгдэхүүн, байгууллагыг нийтэд суртчилан, алдаршуулна.

Эх сурвалж: ХХААХҮЯ

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НҮБ цагаачлалын тухай гэрээг баталжээ
Шалгуулах нь шалгуулаад цагаадах нь цагаадаад нэг талдаа гаръя
Албан тушаалтнуудын ХОМ-ийг бүртгэх бэлтгэл ажил эхэллээ
“Зайсан хилл”-д шинэ жилээ тэмдэглэсэн "НВЦ" компанийн 100 гаруй ажилчин хорджээ
Сэргээш хэрэглэсэн нь тогтоогдсон бөхчүүдийн улсын наадамд барилдах эрхийг хоёр жилээр хаслаа
Газрын тос боловсруулах үйлдвэрийн төмөр замыг хугацаанд нь барихаар УБТЗ шамдаж байна
Францын Страсбург хотод зэвсэгт халдлага гарч дөрвөн хүн амиа алдлаа
Энэ долоо хоногт гурван хүнд элэг шилжүүлэн суулгана
Г.Ууганбаатар: Монголынхоо нэрийг дэлхийд гаргасан “алгын чинээхэн” охиноороо бахархаж байна
Эмчээс ёс суртахуун нэхдэг мөртлөө үнэндээ таны ёс зүй, хүн чанар, хүнлэг байдал хаана байна?
ОПЕК: Газрын тосны гарцыг өдрийн 1.2 сая баррелиар танана
Отгонтэнгэр их сургууль Үндэсний хэмжээний илтгэлийн тэмцээнийг амжилттай зохион байгууллаа
Өмнөд Солонгост таксины шинэ үйлчилгээг эсэргүүцсэн жолооч өөрийгөө шатаажээ
Талууд хамтран ажиллах санал солилцов
“Huawei”-ийн захирал 30 жилийн ял авч магадгүй
Хаалгаа цоожилж, гэр бүлийн хүчирхийлэл үйлджээ
УБЦТС-ын захирал Д.Баярсайхантай хэзээ хариуцлага тооцох вэ?
Саудын Араб сэтгүүлчийн аллагын аудио бичлэгт хөрөөний дуу сонсогдож байгааг CNN мэдээлжээ
“Сансарын “KFC” хоолны газар буу гаргаж танхайрсан этгээдийг шалгаж байна
ЕБС-ийн ахлах ангийн сурагчдын дунд хамгийн өндөр шагналтай үндэсний илтгэлийн тэмцээн эхэллээ