Иранд дэгдсэн бослогыг дарахаар Хувьсгалт Гвардийг илгээлээ

2018-01-04

Иранд зургаа хоног үргэлжилж, 21 хүний аминд хүрээд байгаа бослого тэмцлийг дарахаар Тегераны эрх баригчид Хувьсгалт Гвардийг гурван мужид илгээжээ.

Эдийн засгийн хүнд нөхцөл байдлыг шүүмжилсэн залуу үеийнхний тэмцэл өнгөрсөн долоо хоногийн Пүрэв гарагт эхэлсэн нь эцэстээ тус улсын шашны удирдагч Аятолла Аль Хамейнигийн эсрэг бослого болон хувирсан юм.

Бослого тэмцэл хамгийн их хохиролтой өрнөж байгаа Хамадан, Исфахан, Лорестан мужууд руу Хувьсгалт Гвардийн элит дайчдыг илгээж байгааг тус байгууллагын командлагч, генерал Мохаммад Аль Жафари хэвлэлд ярьжээ.

Ираны шийт шашны дэглэмийн гол ташуур гэгддэг элит цэргийн анги Хувьсгалт Гварди 2009 онд сонгуулийн луйврыг эсэргүүцсэн иргэдийн тэмцлийг нухчин дарах үеэр арав гаруй хүн амь үрэгдэж байв.

Иранд болж буй үйл явдлын талаар дэлхийн улс орнууд янз бүрийн байр суурьтай байна. АНУ, Израйл Саудын Араб улсууд босогчдыг дэмжиж, Вашингтон Ираны эсрэг нэмэлт эдийн засгийн хориг тавих замаар тэмцэгчдийг дэмжихээ илэрхийлээд байгаа юм.

Харин Францын ерөнхийлөгч Эммануэл Макрон АНУ, Израйль, Саудын Арабын талуудад хурцадмал байдлыг дэвэргэхгүй байхыг анхааруулж, ингэх нь дайнд хүргэж болзошгүйг хэлжээ.

Германы гадаад хэргийн сайд Зигмар Габриел мөн Ираны нөхцөл байдал хүндрэхээс болгоомжилж байгаагаа илэрхийлээд Тегерантай яриа хэлэлцээрийн замаар харилцахыг уриалсан байна.

Исламын Бүгд Найрамдах Иран улсыг 1989 оноос хойш удирдаж байгаа 78 настай Аль Хамейни нь тус улсын хамгийн том эрх мэдэлтэнд тооцогддог.

 

Эх сурвалж:IKON.MN

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Керчийн коллежид амь үрэгдэгсдийн тоо 20 хүрлээ
Г.Цэнгэлбаяр: Гэр бүлийн хүчирхийллээс болж жилд зургаан мянган хос салж байна
Тамхи таталтын түвшин буурчээ
Танилц: “Эрдэнэс-тавантолгой”-н олон нийтийн зөвлөл
Монголын цагдаа түүнд мэхийн ёслов
Фан Бинбиний татварын хэргээс шалтгаалан Брюс Уиллисийн тоглосон киноны нээлтийг цуцаллаа
​Ирэх жил 42 мянган тонн нүүрс экспортолно
“Монгол туургатан” театрын шинэ байрны нээлт боллоо
"Дэлхийн мисс-2018"-д оролцох Э.Энхриймаа хүмүүнлэгийн төсөл эхлүүлжээ
Дахиад "ТУУШИНДЪЯ" хотын дарга аа!
Өөрийгөө нас барсан гэж зарлуулсан Украины авлигач Францын шилтгээнд амьдарч байжээ
"Шар хайрцаг" цагдааг "орлоно"
Түгжрэл ба "SCHOOL BUS"
ХУУРАМЧ МЭДЭЭГ НЯГТАЛЖ СУРЪЯ: Хятадууд вансэмбэрүү “түүсэн” жишээн дээр
Биеийн байдал нь хүнд байсан цагдаагийн алба хаагч таалал төгсжээ
Авто замын том уулзваруудад шар тэмдэглэгээ хийж байна
Цагдаагийн алба хаагчийг мөргөөд зугтсан этгээдүүдийг баривчилжээ
Биднийг төмөр замаа барьж амжаагүй байхад тэд ЖОЛООЧГҮЙ галт тэргээр тээвэрлэж байна
Манай тамирчид морьт харвааны ДАШТ-д түрүүлэв
Замын хөдөлгөөнд сөргөөр нөлөөлж зорчих хэсэг болон явган хүний зам дээр худалдаа эрхэлж буйг зогсооно