Кембрижийн Их сургуулийн Гурдон Институтийн эрдэмтэд лабораторийн нөхцөлд хиймэл эр бэлгийн эс болон өндгөн эс ургуулахад нэг алхам ойртжээ. Үүдэл эсээс эр бэлгийн эс болон өндгөн эс ургуулснаар үргүйдлийг эмчлэх боломжтой болох юм.

Тэд үүдэл эсээс эр бэлгийн эс ургуулах замын талд орсон хэмээн үзэж байгаа бөгөөд үүдэл эсийн хөгжил найман долоо хоногийн турш ижил байж байгаад дараа нь өндгөн эс болох уу, эр бэлгийн эс болох уу гэдэг нь шийдэгддэг аж.

Үүний өмнө тэд дөрвөн долоо хоногийн хөгжлийн явцыг нь судалж, тогтоож байсан бол шинэ арга ашиглан эр бэлгийн эс үүсэх явцыг илүү тодорхой ойлгож авах юм.

Үүгээр зогсохгүй тэд үргүйдэл яагаад бий болдог шалтгааныг тогтоож, ийм өвчнөөр шаналж буй хосуудад шинэ боломж олгохыг ч үгүйсгэхгүй. Жишээлбэл ижил хүйстнүүд генетикийн хувьд өөрсдийн хүүхэдтэй болох, эмэгтэйчүүд эм уухын оронд лабораторид ургуулсан өндгөн эс ашиглах боломжтой болно.

Гэхдээ бодит амьдрал дээр зөвхөн хулгана дээр туршиж үзсэн бөгөөд лабораторийн нөхцөлд эр бэлгийн эс, өндгөн эс ургуулах ажилд дахиад олон жил шаардлагатай юм.