Францын томоохон дэлгүүрүүд агуулахдаа ухаалаг робот ашиглахыг зорьж байна

2017-12-12

Францын технологийн салбарын зохион бүтээгчид томоохон дэлгүүрүүдийн агуулахад ажиллуулах зориулалтын роботыг бүтээжээ. Энэ робот агуулах дахь бага оврын бараа материалыг зөөж, тээвэрлэх нарийн мэдрэмжтэй технологийн систем, программ хангамжаар тоноглогдсон ухаалаг төхөөрөмж юм.

Технологи хурдтай хөгжиж, хүний ажлын байрны шаардлага бараг үгүй болж байгаа тухай мэдээлэл ихээр гарч байна. Эдгээрийн нэг бол агуулах дахь бараа материалыг робот төхөөрөмжийн тусламжтайгаар хурдан шуурхай хугацаанд зөөж тээвэрлэх юм.

Анх 2015 онд роботыг энэ салбарт нэвтрүүлэхээр туршилтад оруулжээ. Өнөөдрийн байдлаар “Сидискаунт” нэртэй цахим худалдааны дэлгүүр "Вайгү" нэртэй роботыг агуулахын барааны хэсэгт ажиллуулж байна. Робот агуулах дахь бараа материалын тавиур хэр өндөрт байрлахаас үл шалтгаалан ямар ч эд материалыг тусгай хайрцгийн хэмжээтэй зүйлийг зөөвөрлөнө. 

Үүнээс гадна өөр бусад томоохон дэлгүүр худалдааны төвүүд тус робот төхөөрөмжийг салбартаа аль хэдийнэ туршаад бараг нэвтрүүлэхээр болжээ.  Гэхдээ тэдгээр компани нэрээ нууцлахыг хүссэн тул хэвлэл мэдээллийн хэрэгслүүд энэ талаар мэдээлээгүй юм байна. Энэ робот төхөөрөмж дэлхийн томоохон хөрөнгө оруулагчдын анхааралд аль хэдийнээ өртөж бүр санхүүжилт авахаар болжээ.

Хөрөнгө оруулагчдын үзэж байгаагаар энэ технологийг хөгжүүлэн бусад ижил төстэй салбарт нэвтрүүлэх нь салбарын хөгжлийн нэгэн жишээ болно. Тэр тусмаа үр дүнтэй шинэлэг шийдэл болохыг онцолжээ. Үүнтэй холбогдуулан тус төхөөрөмжийг үйлдвэрлэх, худалдаалах төсөл хөтөлбөрт ойролцоогоор 3 сая америк долларын санхүүжилтийг аваад буй юм байна.

Дараагийн ээлжид роботын хурд, хүчин чадал, идэвхтэй хөдөлгөөний чадамжийг нэмэгдүүлэхээр зорьж байгаа талаар эх сурвалжууд мэдээлжээ. Энэ төрлийн роботыг шуудангийн салбар, цахим худалдааны дэлгүүр, хүнсний агуулах зэрэг сонирхолтой салбарт ашиглах бүрэн боломжтой юм. Нэг цагийн дотор л гэхэд тусгай зориулалтын засаж тоноглосон томоохон агуулахад 400 хүртэл хайрцаг бараа материалыг зөөж тээвэрлэх хүчин чадалтай юм байна.

Энэ бол хүний хөдөлмөрийн хурдтай харьцуулахад бараг 3-4 дахин хурдтай байгааг харуулж буй юм. Одоогоор ашиглагдаж байгаа робот төхөөрөмж 30 хүртэлх кг ачааг даах чадвартай, босоо болон хөндлөн чиглэлийн хөдөлгөөнд 16 км цаг хүртэл хурдлах хүчин чадалтай юм байна. Энэ нь яг л цахилгаан шатны үндсэн зарчмыг хөндлөн болгон нэмж өөрчлөн, мөн роботын техник тоног төхөөрөмжөөр тоноглосон ухаалаг технологи юм. 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НАТО: Монголын зэвсэгт хүчнийхэн Кабулын аюулаас хамгаалахад гол үүрэг гүйцэтгэж байна
Хөвсгөл нуурт дөрвөн иргэн осолджээ
Авто худалдааны цогцолбор үйлчлүүлэгч олонтой байна
Элчин сайд М.Энхсайханыг эгүүлэн татах асуудлыг маргааш хэлэлцэнэ
Сүхбаатар дүүргийн малтай айл өрхүүд газраа сонгож нүүхэд бэлэн боллоо
Ц.Батбаяр: Түймрээс урьдчилан сэргийлэх нь бидний зорилт
Үндэсний их баяр наадмыг зохион байгуулах хороо хуралдлаа
Ө.Энхтүвшин: 2017 онд манай улсад 36 мянган удаа газар хөдлөлт болсон
Ц.Шийлэгдамба агсны нэрэмжит "ТХГН дахь биологийн олон янз байдлын хамгаалал" илтгэлийн уралдаан зохион байгуулна
БНХАУ 2017 онд хар тамхины хэргээр 194 мянган хүн баривчилжээ
Хөшигийн хөндийн нисэх буудлын шалгах нислэгийг МИАТ ТӨХК үйлдлээ
900 мянган төгрөгийн цалинтай хүн гар дээрээ хэдэн төгрөгийн цалин авах вэ?
Европын орнуудын иргэд ажлын гараагаа хэр хэмжээний цалинтай эхэлдэг вэ?
Нууцлаг тэргүүн хатагтай Ри Сол Жи
Авто угаалгын газруудад сургалт явуулж, зөвлөмж өгөв
Энэтхэг Улсын Гадаад хэргийн сайд Сушма Свараж Монгол Улсад хүрэлцэн ирлээ
Л.Болд: Б.Бямбасайханыг 24 хоног хорихдоо ганц ч байцаалт аваагүй байна
Видео тоглоомын хувь заяа хаашаа эргэж байна вэ?
Трамп-Кимийн уулзалт болох газраар Монгол, Сингапур улсууд тунаж үлдээд байгааг мэдээлжээ
З.Энхболд: АТГ-ын даргыг ард түмний саналаар сонгоно