Завхан аймаг MNBА Үндэсний лигийн анхны ялалтаа авлаа

2017-12-11

21 аймгийн аварга шалгаруулах Үндэсний лигийн тэмцээний ээлжит маш сонирхолтой гурван тоглолт боллоо. Эхний тоглолт Сэлэнгэ болон Завхан аймгийн багуудын тоглолт байсан юм. Хоёр баг хожил авч амжаагүй байсан учраас аль нэг баг нь эхний хожлоо авах чухал тоглолт байлаа. Тоглолтын эхнээс Завхан аймгийн баг оноогоор бага зэрэг илүүрхсэн тоглолтыг үзүүлж байсан юм.

Ингээд үндсэн цаг дуусахад 117-81-ээр Завхан аймгийн баг хожил байгууллаа. Энэ тоглолтод нэг тоглогч онцгой байсан нь Завхан аймгийн багийн тоглогч Э.Дөлгөөн байлаа. Тэрээр 42 оноо, 8 оновчтой дамжуулалт, 5 самбар, 5 бөмбөг таслалт гүйцэтгэлээ. Ингэснээр Э.Дөлгөөн энэ улирлын хамгийн өндөр оноог аваад байна.  Мөн Завхан аймгийн багаас А.Гансүх 16 оноо, 8 самбар, 3 хаалт, Н.Бат-Оргил 11 оноо, 7 самбар авсан байна. Харин эсрэг багаас Т.Олдохбаяр 28 оноо авч багаа тэргүүлсэн бол Б.Золбаяр, О.Гэрэлт-Од нар 10-с дээш оноог авсан байна.

Тэнцүүхэн тоглолтод Төв аймаг ялагчаар тодорлоо

MNBA Үндэсний лигийн бас нэгэн сонирхолтой тоглолт Төв аймаг болон Хөвсгөл Нэг-Үе багуудын хооронд боллоо. Бөмбөг дундаа хаяж тоглолт эхэлсэн цагаас л тун тэнцүүхэн өрсөлдөөнтэй тоглолт өрнөж байсан юм. Улмаар эцсийн мөчид 80-74-өөр Төв аймгийн баг хожил байгууллаа. Тоглолтын турш хоёр баг 11 удаа тэргүүллээ солилцож таван удаа тэнцсэн.  Төв аймаг хамгийн ихдээ 10 онооны илүү гарсан бол Хөвсгөл аймаг хамгийн ихдээ  дөрвөн оноогоор тэргүүлсэн байна.

Тоглолтын эхнээс Төв аймгийн багийн ахлагч ОУХМ Д.Дэлгэрням сайн тоглолтыг үзүүлж  25 оноо, 12 самбар гүйцэтгэж сайн тоглолтоо гаргалаа. Төв аймгаас Б.Дорждамба 17 оноо, 4 самбар авсан бол Д.Мөнхтөр 12 оноо, 11 самбар авч дабл дабл хийжээ. Хөвсгөл аймаг багаараа төдийлөн жигд байсангүй. Азийн оюутны аварга, 21 аймгийн лигийн шилдэг хамгаалагч С.М Г.Чинбат 18 оноо, 8 самбар авснаар багаа тэргүүлсэн бол О.Цэлмэг 15 оноо, Б.Наранбаатар 10 оноо авсан ч өөр 10-с дээш оноог авсан тоглогч байсангүй. Ийнхүү Төв аймгийн залуус улирлын дөрөв дэх хожлоо аваад байгаа бол Хөвсгөл аймаг нэг хожиж тав хожигдоод байна.

Үндэсний лигийн супер тоглолт гурван оноогоор шийдэгдлээ

MNBA Үндэсний лигийн хамгийн эрч хүчтэй, үзүүштэй багуудын нэг Хэнтий аймаг Азийн аварга Э.Цэрэнбаатараар ахлуулсан Өвөрхангай аймгийн багийн эсрэг тоглолтоо хийлээ.  Өвөрхангай аймаг өмнөх жил Дундговь аймгаас  үндэсний лигт тоглосон төвийн тоглогч Б.Билэгт болон Увс Нуур багаас 21 аймгийн лигт тоглосон Баяртулга нарыг эгнээндээ нэгтгэсэн байлаа. Ингээд тоглолт эхлэхэд Өвөрхангай аймаг эхний үед илүү тоглолтыг үзүүлж 13 онооны илүү гарсан юм.

Гэхдээ Хэнтий аймгийн залуус тоглолтын хоёр болон гуравдугаар үед онооны зөрүүг  бага багаар ойртуулсаар шийдвэрлэх үеийг  зургаан онооны зөрүүтэйгээр эхлүүлсэн юм. Улмаар дөрөвдүгээр үеийн дунд хэсэгт Хэнтий аймаг онооны илүү гарснаар тоглолт маш өрсөлдөөнтэй болж эхэлсэн юм.Ингээд онооны байр ээлж дараалан солигдож тоглолт тун сонирхолтой болж байх үед Б.Дархантөгс хоёр дараалсан алсын зайн шидэлтийг амжилттай болгосноор Өвөрхангай аймаг онооны илүүтэй болсон юм.

Ингээд эцсийн мөчид тоглолтыг тэнцүүлэх боломжтой шидэлтийг Хэнтий аймгийн тоглогч Э.Элбэг-Эрдэнэ алдснаар 75-78-аар Өвөрхангай аймаг хожил байгууллаа. Энэ тоглолтод Б.Дархантөгс 13 оноо, 6 самбар, 5 оновчтой дамжуулалт өгч  багаа тэргүүлсэн бол Б.Билэгт 10 оноо, 11 самбар, Э.Цэрэнбаатар 11 оноо, 7 самбар гүйцэтгэсэн байна. Харин эсрэг багаас Б.Эрдэнэболор 15 оноо, 9 самбар авч багаа тэргүүлсэн бол Н.Шижирбат, Г.Тамир нар 14 оноо авлаа. Ийнхүү Өвөрхангай аймаг улирлын дөрөв дэх хожлоо аваад байна.

 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НАТО: Монголын зэвсэгт хүчнийхэн Кабулын аюулаас хамгаалахад гол үүрэг гүйцэтгэж байна
Хөвсгөл нуурт дөрвөн иргэн осолджээ
Авто худалдааны цогцолбор үйлчлүүлэгч олонтой байна
Элчин сайд М.Энхсайханыг эгүүлэн татах асуудлыг маргааш хэлэлцэнэ
Сүхбаатар дүүргийн малтай айл өрхүүд газраа сонгож нүүхэд бэлэн боллоо
Ц.Батбаяр: Түймрээс урьдчилан сэргийлэх нь бидний зорилт
Үндэсний их баяр наадмыг зохион байгуулах хороо хуралдлаа
Ө.Энхтүвшин: 2017 онд манай улсад 36 мянган удаа газар хөдлөлт болсон
Ц.Шийлэгдамба агсны нэрэмжит "ТХГН дахь биологийн олон янз байдлын хамгаалал" илтгэлийн уралдаан зохион байгуулна
БНХАУ 2017 онд хар тамхины хэргээр 194 мянган хүн баривчилжээ
Хөшигийн хөндийн нисэх буудлын шалгах нислэгийг МИАТ ТӨХК үйлдлээ
900 мянган төгрөгийн цалинтай хүн гар дээрээ хэдэн төгрөгийн цалин авах вэ?
Европын орнуудын иргэд ажлын гараагаа хэр хэмжээний цалинтай эхэлдэг вэ?
Нууцлаг тэргүүн хатагтай Ри Сол Жи
Авто угаалгын газруудад сургалт явуулж, зөвлөмж өгөв
Энэтхэг Улсын Гадаад хэргийн сайд Сушма Свараж Монгол Улсад хүрэлцэн ирлээ
Л.Болд: Б.Бямбасайханыг 24 хоног хорихдоо ганц ч байцаалт аваагүй байна
Видео тоглоомын хувь заяа хаашаа эргэж байна вэ?
Трамп-Кимийн уулзалт болох газраар Монгол, Сингапур улсууд тунаж үлдээд байгааг мэдээлжээ
З.Энхболд: АТГ-ын даргыг ард түмний саналаар сонгоно