Газрын кадастрын нэгдсэн системтэй боллоо

2017-12-08

Иргэд олон нийт өөрийн өмчлөл, эзэмшил, ашиглалтанд байгаа газрын кадастртай холбоотой мэдээллийг www.egazar.gov.mn вебсайтаас харж болно.

Иргэдэд газрын кадастрын бүтээгдэхүүн үйлчилгээг нээлттэй, ил тод, түргэн шуурхай хүргэх, төрийн байгууллагуудад газрын кадастраар баталгаажсан мэдээллээр үйлчлэх зорилгоор газрын кадастрын мэдээллийн сангийн Лэнд менежер програм хангамжийг хөгжүүлж, 21 аймаг, 330 суманд нэвтрүүлжээ. Дээрх ажлын түлхүүр гардуулах ёслолын арга хэмжээ өнөөдөр Барилга хот байгуулалтын яаманд боллоо. Барилга хот байгуулалтын сайд Х.Баделхан, ЗГХЭГ дарга Г.Занданшатар нар тус арга хэмжээнд оролцож туузыг хамт хайчлав.
 

Ленд менежер програм нь газар өмчлөх, эзэмших, ашиглахтай холбоотой 30 гаруй төрийн өргөдөл, хүсэлтийг шийдвэрлэх, захирамж, гэрээ, гэрчилгээ, кадастрын зураг, газрын төлбөр, үнэлгээ, цахим хувийн хэрэг зэрэг 14 дэд модуль бүхий иргэдэд хүргэдэг үйлчилгээг автоматжуулсан програм хангамж юм. Тус програм хангамж нь иргэд, олон нийтэд зориулсан веб болон гар утасны хяналтын сайттай бөгөөд Газрын албанд өгсөн өргөдөл, хүсэлтийн шийдвэрлэлтэнд хяналт тавих, өмчилж, эзэмшиж, ашиглаж байгаа газрынхаа зурган болон улсын бүртгэлийн талаарх мэдээллээ авах боломжтой гэлээ.

Барилга хот байгуулалтын сайд Х.Баделхан

Энэхүү ажлыг хийснээр иргэдэд ямар давуу талтай вэ?


Хамгийн давуу тал нь улсын хэмжээнд байгаа бүх газрын холбогдолтой кадастрын мэдээллийн санг нэг сүлжээнд төвлөрүүлж байгаа хэрэг. Хүн газар авахдаа эхлээд өргөдөл өгнө дараа нь засаг даргын захирамж гарна гэхгүйгээр энэ мэдээллийн санд газартай холбоотой 30 гаруй мэдээлэл энэ програмп төвлөрч байгаа. Иргэд хуулийн этгээд хаанаас ч бай гар утасаа ашиглаад энэ мэдээллийг олж авах давуу талтай. Цаашдаа үүнийг улам боловсронгуй болгож банк, татвартай холбоотой мэдээллийн систем, хөдөлгөөнийг энэ програмаар авах боломжтой гэж үзэж байна.

Кадастрын зургийн зөрүүтэй маргаан их гардаг байсан онлайн хэлбэрт оруулснаар энэ маргаан гарахгүй гэж үзэж болох уу?

Урьд өмнө нь янз бүрийн системээр мөрдөж, янз бүрийн аргачлалаар гаргаж байсан. Харин энэ програмыг нэвтрүүлснээр нэг стандарт, нэг аргачлалаар мөрдөж байгаа янз бүрийн маргаан гарахгүй давуу тал бас бий болж байна.

 

Газрын кадастрын өгөгдөл мэдээллийг нэг стандартад оруулан засварлах, тоон хэлбэрт шилжүүлэх, газар ашиглалтын зөрчлийг илрүүлэх энэхүү ажил нь газрын харилцааны салбарын хөгжилд чухал ач холбогдол өгч байгаа хэмээн мэргэжлийн хүмүүс хэлж байгаа юм. Тэгвэл тухайн ажлыг хийснээр дараах үр дүнд хүрч болохоор байна.

-Газрын кадастрын мэдээллийн сангийн зурган мэдээллийг Засгийн газрын 2009 оны 25 дугаар тогтоолоор батлагдсан “WGS-84” солбилцлын тогтолцоо, Балтийн тэнгисийн өндрийн сүлжээ, дэлхийн хөндлөн меркаторын “UTM”тусгагт шилжүүлсэн.

-Газрын улсын бүртгэлийн мэдээлэл, баримт материал нэг стандарттай, цэгцтэй, бүртгэлтэй болсноор иргэн, хуулийн этгээдийн газар өмчлөх, эзэмших, ашиглах эрх баталгаажих, улмаар газартай холбогдон гарах зөрчил, маргаан буурах,

-Нэгж талбарын хувийн хэргийн материал цахимжсанаар газрын даамлын мэдээлэл хайх хугацаа богиносож, улмаар тэдний ажлын үр бүтээмж нэмэгдэж, иргэн, хуулийн этгээдэд төрийн үйлчилгээг чирэгдэлгүй үзүүлэх боломж бүрджээ.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НҮБ цагаачлалын тухай гэрээг баталжээ
Шалгуулах нь шалгуулаад цагаадах нь цагаадаад нэг талдаа гаръя
Албан тушаалтнуудын ХОМ-ийг бүртгэх бэлтгэл ажил эхэллээ
“Зайсан хилл”-д шинэ жилээ тэмдэглэсэн "НВЦ" компанийн 100 гаруй ажилчин хорджээ
Сэргээш хэрэглэсэн нь тогтоогдсон бөхчүүдийн улсын наадамд барилдах эрхийг хоёр жилээр хаслаа
Газрын тос боловсруулах үйлдвэрийн төмөр замыг хугацаанд нь барихаар УБТЗ шамдаж байна
Францын Страсбург хотод зэвсэгт халдлага гарч дөрвөн хүн амиа алдлаа
Энэ долоо хоногт гурван хүнд элэг шилжүүлэн суулгана
Г.Ууганбаатар: Монголынхоо нэрийг дэлхийд гаргасан “алгын чинээхэн” охиноороо бахархаж байна
Эмчээс ёс суртахуун нэхдэг мөртлөө үнэндээ таны ёс зүй, хүн чанар, хүнлэг байдал хаана байна?
ОПЕК: Газрын тосны гарцыг өдрийн 1.2 сая баррелиар танана
Отгонтэнгэр их сургууль Үндэсний хэмжээний илтгэлийн тэмцээнийг амжилттай зохион байгууллаа
Өмнөд Солонгост таксины шинэ үйлчилгээг эсэргүүцсэн жолооч өөрийгөө шатаажээ
Талууд хамтран ажиллах санал солилцов
“Huawei”-ийн захирал 30 жилийн ял авч магадгүй
Хаалгаа цоожилж, гэр бүлийн хүчирхийлэл үйлджээ
УБЦТС-ын захирал Д.Баярсайхантай хэзээ хариуцлага тооцох вэ?
Саудын Араб сэтгүүлчийн аллагын аудио бичлэгт хөрөөний дуу сонсогдож байгааг CNN мэдээлжээ
“Сансарын “KFC” хоолны газар буу гаргаж танхайрсан этгээдийг шалгаж байна
ЕБС-ийн ахлах ангийн сурагчдын дунд хамгийн өндөр шагналтай үндэсний илтгэлийн тэмцээн эхэллээ