2017-11-30
НҮБ-д суугаа АНУ-ын элч төлөөлөгч Никки Хейли олон улсад хандан Хойд Солонгос улсаас нэн даруй дипломат харилцаагаа таслахыг уриалсан талаар “Ройтерс” агентлаг мэдээллээ.
Элч НҮБ-ын индрээс ийнхүү мэдэгдээд “Хойд Солонгосын үйлдлийг дахин тэвчих хэрэггүй. Тиймээс яг одоо энэ улсаас харилцаагаа таслаад улмаар бидний тус улсын эсрэг хэрэгжүүлж буй хоригт нэгдэх хэрэгтэй” гэж хэлжээ.
АНУ-ын Ерөнхийлөгч Дональд Трамп өмнө олон улсыг Хойд Солонгосоос харилцаагаа таслахыг нэг бус удаа хүсч байсан юм.
Хойд Солонгос улс өчигдөр АНУ-ын газар нутгийн хаана ч тусах боломжтой баллистик пуужин харвасан билээ.
Трамп Хойд Солонгосын цөмийн заналхийлэл өдрөөс өдөрт өргөжин тэлж буй учир өчигдөр БНХАУ-ын дарга Си Зиньпинтэй уг асуудлаар утсаар ярилцсан талаараа өөрийн твиттер хуудсаараа дамжуулан мэдэгджээ.
ЦАГ АГААР
°C/°C
°C/°C
°C/°C
Төстэй мэдээнүүд