“Voice of student-2017” үндэсний форум зохион байгууллаа

2017-11-18

“Олон улсын оюутны эрхийг хамгаалах өдөр”-ийг тохиолдуулан “Нийгмийн Ардчилал” Монголын Оюутны Холбоо “Voice of student-2017”  үндэсний чуулга уулзалтыг зохион байгууллаа. Чуулга уулзалт хоёр дахь жилдээ амжилттай зохион байгуулагдсан бөгөөд орон нутгийн оюутны байгууллага болон их, дээд сургууль, коллежийн оюутны холбоо, зөвлөлийн төлөөлөл болох 300 гаруй шилдэг оюутан залуус оролцож, улс эх орныхоо хөгжлийн төлөө өөрсдийн дуу хоолойгоо хүргэсэн юм.

“Voice of student-2017”  үндэсний форумд УИХ-ын гишүүн, “Нийгмийн Ардчилал” Монголын Оюутны Холбооны Ерөнхийлөгч Д.Гантулга, Ерөнхий нарийн бичгийн дарга Х.Энхбат, Нийслэлийн “Нийгмийн Ардчилал” Монголын Оюутны холбооны тэргүүн Х.Алтаншагай, Монголын Оюутны Холбооны Дэд Ерөнхийлөгч З.Төмөртөмөө, Гэр бүл, хүүхэд, залуучуудын хөгжлийн газрын Залуучуудын хөгжлийн газрын дарга Г.Батдорж, ЭМЯ-ны НЭМГ-ын дарга Д.Ганцэцэг, Хөдөлмөр эрхлэлтийн үндэсний зөвлөлийн Нарийн бичгийн дарга Д.Хадхүү, БСШУСЯ-ны Боловсролын зээлийн сангийн Зээлийн албаны дарга Э.Батсэлэм нар оролцож, оюутан залуусын үзэл бодол, дуу хоолойг сонсож, залууст тулгарч буй асуудлуудыг төрийн хэмжээнд шийдвэрлэх ямар арга зам байгааг хэлэлцэж өнгөрүүлсэн юм.

Үндэсний чуулга уулзалтыг нээж Ерөнхийлөгч Д.Гантулга хэлсэн үгэндээ “Сурлага хөдөлмөр, нийгмийн идэвх санаачлагаараа бусдыгаа манлайлдаг оюутан залуучуудын төлөөлөл энд уригдсан. Дэлхийн энх тайвны төлөө II дайныг зогсооход оюутан залуучууд амь биеэ золин тэмцэж байсан. Энэ түүхээс улбаалан харвал оюутан залуучууд дэлхийн энх тайван болоод  өөрсдийн хүсэл мөрөөдөл, эх орны хөгжлийн  төлөө зүтгэдэг ирээдүйн эзэд юм аа. Монголын залуучууд эх орондоо болон гадаадын шилдэг их дээд сургуульд бүх шатны төвшинд амжилттай суралцаж байна. Тийм ч учраас оюутан залуучуудын дуу хоолойг сонсож, саналыг төр засгаас хэрэгжүүлж буй бодлого шийдвэрүүдэд тусгах нь чухал юм. Манай холбоо 1995 онд хоёр сургуулийн дэргэд 20 гаруй хүний санаачлагаар клуб болон байгуулагдаж, оюутан залуусыг хөнгөлөлтийн шар карттай болгохын төлөө жагсаал зохион байгуулж байсан түүх бий. Тэр оюутны шар карт өнөөдөр ухаалаг U-money карт болтлоо хөгжсөн байна. Зарим шийдэгдээгүй асуудлууд байгаа ч шийдэхийн төлөө бид ажиллаж байна. Үүнд оюутан залуусын үзэл бодол, санал санаачлага чухал байр суурь эзэлдэг. Тиймдээ ч өнөөдрийн хурлаар залуус маань төр засгийн хэмжээнд хэрэгжүүлэх залуучууд руу чиглэсэн шилдэг санал санаачлага, зарим асуудлыг шийдвэрлэх гарц арга замыг гаргаж ирнэ гэдэгт итгэж байна” хэмээн онцолсон юм.

Чуулга уулзалтад “Боловсролын асуудлаар төрөөс авч хэрэгжүүлж буй бодлого хөтөлбөрүүд”, “Эрүүл мэндийн асуудлаар оюутнуудад чиглэсэн төрөөс авч хэрэгжүүлж буй бодлого хөтөлбөрүүд”, “Хөдөлмөр эрхлэлтийн асуудлаар оюутнуудад чиглэсэн төрөөс авч хэрэгжүүлж буй бодлого хөтөлбөрүүд” гэсэн 3 сэдвийн хүрээнд хүрэлцэн ирсэн албаны хүмүүс илтгэл тавьж залууст мэдээлэл хүргэсэн юм. Оюутан залуус:  

-          “Залуучуудын боловсрол”

-          “Залуучуудын хувь хүний хөгжил”

-          “Залуучуудын эрүүл мэнд”

-          “Залуучуудын хөдөлмөр эрхлэлт”

-          “Залуучуудын оролцоо”

гэсэн 5 сэдвийн хүрээнд салбар хэлэлцүүлгийг хийж, дараа нь нэгдсэн хэлэлцүүлэг өрнүүлж, өөрсдийн авсан сэдвийн хүрээнд залууст чиглэсэн бодлогыг төрөөс хэрэгжүүлж болох боломжтой тухай танилцуулсан юм. Залуусын гаргасан санал санаачлагаас “Нийгмийн Ардчилал” Монголын Оюутны Холбооны удирдлагууд хэрэгжүүлж болох ажлуудыг төрийн хэмжээнд авч хэлэлцэхээ амласан бөгөөд оюутан залуусыг ч гар нийлэн оролцохыг уриаллаа.

Дашрамд дурьдахад “Voice of student” үндэсний форум жил бүр уламжлал болгон зохион байгуулагдах бөгөөд цаашдаа олон улсын оюутан залуусыг хамарсан дэлхийн хэмжээний чуулга уулзалт болгох зорилготой юм.

Эх сурвалж: NAM.MN

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НАТО: Монголын зэвсэгт хүчнийхэн Кабулын аюулаас хамгаалахад гол үүрэг гүйцэтгэж байна
Хөвсгөл нуурт дөрвөн иргэн осолджээ
Авто худалдааны цогцолбор үйлчлүүлэгч олонтой байна
Элчин сайд М.Энхсайханыг эгүүлэн татах асуудлыг маргааш хэлэлцэнэ
Сүхбаатар дүүргийн малтай айл өрхүүд газраа сонгож нүүхэд бэлэн боллоо
Ц.Батбаяр: Түймрээс урьдчилан сэргийлэх нь бидний зорилт
Үндэсний их баяр наадмыг зохион байгуулах хороо хуралдлаа
Ө.Энхтүвшин: 2017 онд манай улсад 36 мянган удаа газар хөдлөлт болсон
Ц.Шийлэгдамба агсны нэрэмжит "ТХГН дахь биологийн олон янз байдлын хамгаалал" илтгэлийн уралдаан зохион байгуулна
БНХАУ 2017 онд хар тамхины хэргээр 194 мянган хүн баривчилжээ
Хөшигийн хөндийн нисэх буудлын шалгах нислэгийг МИАТ ТӨХК үйлдлээ
900 мянган төгрөгийн цалинтай хүн гар дээрээ хэдэн төгрөгийн цалин авах вэ?
Европын орнуудын иргэд ажлын гараагаа хэр хэмжээний цалинтай эхэлдэг вэ?
Нууцлаг тэргүүн хатагтай Ри Сол Жи
Авто угаалгын газруудад сургалт явуулж, зөвлөмж өгөв
Энэтхэг Улсын Гадаад хэргийн сайд Сушма Свараж Монгол Улсад хүрэлцэн ирлээ
Л.Болд: Б.Бямбасайханыг 24 хоног хорихдоо ганц ч байцаалт аваагүй байна
Видео тоглоомын хувь заяа хаашаа эргэж байна вэ?
Трамп-Кимийн уулзалт болох газраар Монгол, Сингапур улсууд тунаж үлдээд байгааг мэдээлжээ
З.Энхболд: АТГ-ын даргыг ард түмний саналаар сонгоно