Эрэн сурвалжилж байсан Ланд Круйзер машиныг олжээ

2017-10-04

Нэг жилийн өмнө Хүй долоо худгийн орчимд гарсан автомашины ослоор нэг гэр бүлийн долоон хүн амиа алдсан байдаг.  Гэтэл одоог болтол Төв аймгийн замын цагдаагийнхан ослын шалтгааныг үнэн зөвөөр тогтоогоогүй, хэргийг хоёр ч удаа хэрэгсэхгүй болгосон байна. Тиймээс талийгаачдын ар гэрийнхэн хэргийг шалгасан мөрдөн байцаагч, хяналт тавьсан прокурор авлига авсан байж болзошгүй гэж үзэн Авлигатай тэмцэх газар /АТГ/-т есдүгээр сарын 14-ний өдөр хандсан юм. Иргэний гомдлын дагуу АТГ-аас хэргийг шалгаж эхэлсэн бөгөөд ослыг харсан, сонссон иргэдийг мэдээллээ хуваалцахыг хүсч, “Ланд круйзер” маркийн автомашиныг эрэн сурвалжилж эхэлсэн.

Тэгвэл тухайн үед амиа алдсан долоон хүний сууж явсан машиныг замын хажуу руу шахсан гэх шаргал өнгийн “Ланд круйзер”  маркийн автомашиныг есдүгээр сарын 29-нд Улаанбаатар хотоос олсон байна. Улмаар тухайн машины эзэмшигчийг олж тогтоон шалгалтын ажиллагаа хийж эхэлснээ Цагдаагийн ерөнхий газрын Хэвлэл мэдээллийн төвөөс мэдээлэв.

Хэргийг үнэн зөв, шударгаар шийдэж өгөхийг хүссэн талийгаачийн төрсөн эгч Х.Алгирмаа “Тэнд байсан бүх машинууд туслах гэж хичээсэн. Хэргийг харсан гэрчүүд бий. Дүүгийн маань машиныг шаргал өнгөтэй машин шахсаны улмаас осол болсон. Үүнийг харсан гэрчүүд сандарсан учраас машины дугаар, маркийг харж амжаагүй байдаг. Машинд манай дүү хоёр хүүхэд, хадам аав, ээж, хадам эгч болон түүний 7 сартай хүүхдийн хамт явж байсан бөгөөд нэг нь ч амьд үлдээгүй. Хэргийг шалгаж байсан прокурор гурван удаа солигдож, гурван удаа хэрэг хаагдсан. Хаагдсан шалтгааныг эзэн холбогдогч нь нас барсан, хариуцлага хүлээх хүн байхгүй гэж тайлбарлаж байгаа. Тэр осол юунаас болж гарсныг цагдаагийн байгууллага тогтоогоогүй. Ингээд хэргийн газар ажилласан байцаагч, баг бүрэлдэхүүнд гомдолтой байгаа учраас АТГ-д хандаж байна” гэсэн юм.

Харин амиа алдсан жолоочийн ээж Ц.Бат-Өлзий “Бид ажил явдлын дараа Төв аймгийн Лүн сумын камерыг шүүлгэх гэсэн боловч тухайн үед ажиллаж байсан мөрдөн байцаагч хойшлуулсны улмаас шүүлгэж чадаагүй. Бид хувиараа очиж шүүх гэсэн боловч хэд хоногийн өмнө хүмүүс ирж шүүгээд кодолсон байна гэсэн. Камерын бичлэгийг устсан байх гэж би бодож байна. Энэ хэргийг АТГ-т өгөхөөс өөр аргагүй” гэж байсан юм.

Эх сурвалж: NEWS.MN

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Эрдэнэт үйлдвэр ХХК-ийн Тэргүүн дэд захирал Б.Шинэбаатар ажил үүргээ хэвийн гүйцэтгэж байна
Албан тушаалтнуудын 16 хүүхэд гадаадад тэтгэлгээр суралцаж байгааг тогтоожээ
Шинэ Зеландын ерөнхий сайд НҮБ-ын чуулганд нялх хүүхэдтэйгээ оролцож байна
Хар тамхитай тэмцсэн нэг алхам буюу үндэсний хөтөлбөрийн үр өгөөж ямар байх вэ?
Риана элчин сайд боллоо
Солонгост ажиллаж байгаа монголчуудын бодит үнэн
Хуурамч бичиг баримт бүрдүүлсэн мэргэжилтнийг шалгаж дуусчээ
Чи хэний төлөө амьдраад байгаа юм бэ?
Дэлхийн хамгийн азгүй нэр дэвшигч 96 дахь сонгуульдаа өрсөлдөж байна
Шагдарын шар охин
Үндэсний цэцэрлэгт хүрээлэн дэх 20 ТҮЦ-ийн гэрээг цуцлуулах санал хүргүүлжээ
Өдрийн цагаар 1000, шөнийн цагаар 1500 төгрөгөөр явж буй таксичдаа хэзээ цэгцлэх вэ?
ЭЕРЭГ МОНГОЛ: Өвчтөнөө дамнуурга дээр тавиад машинаа орхиод эмнэлэг рүү гүйх үе олон тохиолдсон
Хийн хоолойн эдийн засаг Монголын талд байна
Израйлийн агаарын хүчний командлагч Москвад иржээ
Хакуход Подольски шигшээ багийнхаа өмсгөлийг бэлэглэв
Шуурхай мэдээ: Дархан, Эрдэнэт, Сэлэнгэ, Булган, Хөвсгөл чиглэлийн замуудыг хаалаа
Автозамын түгжрэл буюу Амьдралын түгжээ
Д.Оюунхорол зорилтот бүлгийн 9 өрхөд гэр олголоо
“АВТОМАШИНГҮЙ ӨДӨР” автобус хэрхэн үйлчлэх вэ