Соёлын тэргүүний ажилтан цолоор энгээрээ мялаагаад удаагүй байгаа найруулагч Д.Галбаярын ээлжит уран бүтээл “Түцний охид” дэлгэцнээ гарахад бэлэн болсон. Тэрбээр өнгөрсөн сард нээлтээ хийсэн “Хувьсал”-ий “Миний нууц” киноны найруулагчаар  ажилласан бөгөөд уг киноны нээлтийн үер ийнхүү шагнуулсан. Нэг киногоо нээгээд сар гаруйн нүүр үзэж байгаа тэрээр дараагийн уран бүтээлээ үзэгчид өргөн барихаар бэлэн болжээ. “Түцний охид” кинонд түүний эхнэр болох жүжигчин Хулан киноны продюсер болон гол дүрд тоглосон гэв.

Тэрээр өөрийн цахим хуудаснаа: "Сүүлийн үед кино урлагт эмэгтэй Продюсерүүд хүч түрэн орж ирэх болсон. Одноо эгч Ундраа эгчээс авхуулаад бүгд л мундаг Про нар болж бна. Эмэгтэй хүмүүс хариуцлага өндөртэй байдаг нь амжилтынх нь үндэс болдог байх лдаа. Анх би ханьдаа "Шуугиан таригч" киноны продюсерээр ажиллах санал тавьхад манай хүн нилээд балмагдаж байж билээ. Төрөөд 3-хан сартай нялх биетэй хэрнээ хэрхэн зүтгэж ажиллаж байсан нь саяхан лдаа. Тэгвэл өнөөдөр "ТҮЦНИЙ ОХИД" киноны продюсер болон гол дүрийн жүжигчний албыг давхар гүйцэтгэх бас л нэг хүндхэн даваа түүнд тулгарсан юм. Нэг юм хэлэхэд: Би эхнэрээ кинонд аваагүй шүү!!! Эхнэр маань намайг найруулагчаар аваад ажиллуулчихлаа" хэмээн сэтгэгдэлээ бичиж нийтэлжээ.