2022-03-11
УИХ-ын Үйлдвэржилтийн бодлогын байнгын хороо Хүнд үйлдвэрийн тухай хуулийн төслийг хэлэлцэхийг дэмжсэнгүй.
Засгийн газраас байгалийн нөөц баялагт түшиглэн хүнд үйлдвэрийн томоохон төслийг хэрэгжүүлэхэд хөрөнгө оруулалт татах, дотоодын зах зээлийг хамгаалах, нэмүү өртөг шингэсэн импортыг орлох, экспортын чиг баримжаатай хүнд үйлдвэрийг хөгжүүлэх, дэвшилтэт техник технологийг нэвтрүүлэх хууль эрх зүйн орчныг бүрдүүлэх шаардлагатай хэмээн үзэж уг хуулийн төслийг өргөн мэдүүлсэн юм.
Байнгын хороогоор хуулийн төслийн хэлэлцэх эсэх хэлэлцүүлгийг өнөөдөр хийх үеэд УИХ-ын гишүүн Н.Наранбаатар, Г.Тэмүүлэн, Г.Ганболд, Д.Батлут, Т.Энхтүвшин, Л.Мөнхбаатар, Г.Дамдинням, Б.Чойжилсүрэн, Ж.Бат-Эрдэнэ нар асуулт асууж, үг хэлсэн. Ингэхдээ түүхий эдийг дотооддоо боловсруулж, эцсийн бүтээгдэхүүн экспортлох эрх зүйн зохицуулалт хийх нь зүйтэй гэж байсан боловч хуулийн төсөлд нэр, томьёо нь тодорхойгүй, хоёр, гуравхан үйлдвэрт зориулсан заалт тусгасан хэмээн шүүмжилсэн юм. Ийнхүү санал хураахад байнгын хорооны гишүүдийн 69.2 хувь нь дэмжээгүй бөгөөд дүгнэлтээ УИХ-ын чуулганы нэгдсэн хуралдаанд танилцуулахаар болов.
Хуулийн төслийг энэ долоо хоногийн чуулганы нэгдсэн хуралдаанаар хэлэлцэхээр товлоод байна. Чуулганаар байнгын хорооны саналыг дэмжвэл хуулийн төслийг санаачлагчид нь буцаах юм. Харин байнгын хорооны саналыг дэмжээгүй тохиолдолд хуулийн төслийн хэлэлцүүлгийг үргэлжлүүлнэ.
ЦАГ АГААР
°C/°C
°C/°C
°C/°C
Төстэй мэдээнүүд