Их Британид "омикрон" хувилбарын улмаас тогтоосон ихэнх хязгаарлалтыг цуцална

2022-01-20

Их Британийн Засгийн газар коронавирусний “омикрон” хувилбар тархсантай холбогдуулан тогтоосон ихэнх хязгаарлалтаа цуцлах гэж байгааг тус улсын Ерөнхий сайд Борис Жонсон мэдэгдлээ.

Энэ тухай тэрбээр лхагва гарагт парламентын Нийтийн танхимд үг хэлэхдээ мэдэгдсэн байна.

"Ирэх долоо хоногоос өмнө нь нэвтрүүлсэн арга хэмжээнүүд хэрэгжихээ болино" гэж Их Британийн Засгийн газрын тэргүүн хэлээд зарим олон нийтийн арга хэмжээ, шөнийн цэнгээний газруудаар үйлчлүүлэхдээ вакцинжуулалтын цахим гэрчилгээг заавал үзүүлэх шаардлага, мөн ажилтнуудаа цахимаар ажиллуулах талаар ажил олгогчдод өгсөн зөвлөмжийг цуцалж байгааг нэмж мэдэгджээ. Үүнээс гадна, “Засгийн газар битүү орчинд болон нийтийн тээврийн хэрэгсэл дотор амны хаалт заавал зүүхийг шаардахаа болино” гэж Жонсон онцлон тэмдэглэсэн байна.

Эдгээр нь Их Британийн хүн амын 85 хувь нь амьдардаг Англид л хамаатай байна.

Тус улсын бүрэлдэхүүн багтдаг Шотланд, Уэльс болон Умард Ирландын удирдагчид хязгаарлалтыг цуцлах эсэхийг өөрсдөө шийднэ. Шотландын тэргүүн сайд Никола Стержеон коронавирусний “омикрон” хувилбарын нөхцөл байдлын улмаас бүс нутагт нэвтрүүлсэн хязгаарлалтыг цуцалж байгааг мягмар гарагт мэдэгджээ.

Өөрийгөө тусгаарлах журам

Жонсон лхагва гарагт мөн коронавирусний шинжилгээний хариу нь “эерэг” гарсан хүмүүс өөрийгөө заавал тусгаарлах шаардлагыг удахгүй цуцлахаар төлөвлөж байгааг мэдэгдсэн байна. 

"Ковид нь эндемик өвчин болж байгаа бөгөөд энэ нь өөрийгөө тусгаарлах одоогийн шаардлагыг зөвлөх арга хэмжээгээр солих шаардлагатай болно гэсэн үг юм. Өөрийгөө тусгаарлах шаардлага гуравдугаар сарын 24-нд дуусна, сунгахгүй байх гэж бодож байна. Түүгээр ч барахгүй, хэрэв ковидын нөхцөл байдал бидэнд боломж олговол өөрийгөө тусгаарлах шаардлагыг цуцлах хугацааг наашлуулах тухай асуудлаар Нийтийн танхимд санал хураалт явуулах хүсэлтэй байна" гэж тэрбээр хэлжээ.

Одоогийн байдлаар коронавирусний шинжилгээ нь "сөрөг" гарсан британичууд өөрийгөө тав хоногийн турш тусгаарлах журам хэрэгжиж байгаа юм. Өмнө нь эрх баригчид ажилчид нь олноороо халдвар авсны улмаас үйлчилгээний салбарын олон аж ахуйн нэгж ажилчдын хомсдолд орж, зарим тохиолдолд түр хаахаас өөр аргагүй болсон тул энэ хугацааг долоо хоног байсныг богиносгох шийдвэр гаргасан байна. 

Жонсон хэлэхдээ, Англид өвчлөл болон эмнэлэгт хэвтэн эмчлүүлэгчдийн тоо буурсантай холбоотойгоор хязгаарлалтыг сулруулж байна гэжээ. Сүүлийн долоо хоногт Их Британид коронавирусний халдварын тохиолдлын тоо өмнөх долоо хоногтой харьцуулахад 38 хувиар буурсан байна. Үүний зэрэгцээ сүүлийн долоон хоногт улсын хэмжээнд дунджаар 96 200 хүн халдвар авч, өдөрт 272 хүн нас баржээ. Лхагва гаргийн байдлаар халдвар авсан 19 мянга орчим хүн эмнэлэгт эмчлүүлж байгаа нь 2021 оны өвлийн оргил үе буюу 34 000 хүн эмнэлэгт хэвтсэнтэй харьцуулахад буурсан байна.

2021 оны есдүгээр сарын 16-нд эхлүүлсэн нэмэлт тунд хамруулах кампанит ажилгүйгээр хязгаарлалтыг цуцлах боломжгүй байсан гэдгийг Жонсон хэлжээ. Засгийн газрынх нь хамгийн сүүлийн мэдээллээр, тус улсад 12-оос дээш насны хүн амын 63.6 хувь нь (36.5 сая хүн) нэмэлт тунг хийлгэсэн байна. Харин вакцины хоёр тунг 12-оос дээш насны хүн амынх нь 83.4 хувь нь (47.9 сая хүн), эхний тунг 90.7 хувь нь (52.1 сая хүн) тариулжээ.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Отгонтэнгэр их сургууль Олон улсын стандартын 2 дахь удаагийн баталгаажуулалтыг амжилттай хамгааллаа.
Отгонтэнгэр их сургуулийн багш нарын орчуулсан "Индра Ганди захирах зөн" номын нээлт боллоо
Өнөөдөр Улаанбаатарт 21 хэм дулаан
Ерөнхий сайдын нэрэмжит тэтгэлэгт тэнцсэн 75 оюутанд батламж гардуулав
Улсын хэмжээнд АИ-92 шатахууны 42 хоногийн нөөцтэй байна
“Quad”-ийн удирдагчдын дээд хэмжээний уулзалт эхэллээ
'BAIGALI“ аппликейшнд 3000 зүйлийн амьтан, ургамлын мэдээлэл багтжээ
Хөдөө аж ахуйн ээлжит тооллогод идэвхтэй хамрагдахыг уриалж байна
Замын-Үүдээр задгай вагоны тээврийг нэвтрүүлж эхэллээ
ОТГОНТЭНГЭР ИХ СУРГУУЛЬ “ХҮҮХДИЙН ХӨГЖИЛ, ТӨЛӨВШИЛ” ЭРДЭМ ШИНЖИЛГЭЭНИЙ ХУРЛЫГ 10 ДАХЬ ЖИЛДЭЭ ЗОХИОЖ БАЙНА
Шанхай хотод хатуу хөл хорио тогтоохоор болжээ
Уилл Смит тайзан дээр гаргасан үйлдлийнхээ төлөө Крис Рокоос уучлалт гуйлаа
Cургууль, цэцэрлэг, дотуур байрны нүхэн жорлонг шинэчлэхэд 100 тэрбум төгрөг зарцуулна
Өнөө маргаашдаа нутгийн зүүн хэсгээр салхитай хүйтэн байна
Европын холбооны Erasmus+ төслийн хүрээнд “Ажлын байранд суурилсан сургалт” үндэсний хэлэлцүүлэг болно
Гашуунсухайт боомтоор өдөрт 200 тээврийн хэрэгсэл нэвтэрч буйг ирэх сарын 1-нээс 300 болгоно
Өмнөд Солонгосын шинэ Ерөнхийлөгч Юн Сук Ёл гэж хэн бэ?
Японд барилгын ган арматур сүүлийн 14 жилийн хугацаанд дээд цэгтээ хүртэл өсжээ
Сэрэмжлүүлэг: Гадаадын иргэд цахим сүлжээ ашиглан их хэмжээний мөнгө залилж байгаа тул анхаарал, болгоомжтой байна уу!
Говь, тал, хээрийн нутгаар хүчтэй салхи, шороон шуургатай байхыг анхааруулж байна