Казахстанд гарсан үймээний дараа Назарбаев анх удаа ард түмэндээ хандаж үг хэлэв

2022-01-19

Нэгдүгээр сарын эхээр Казахстанд гарсан үймээнээс хойш тус улсын анхны ерөнхийлөгч Нурсултан Назарбаев анх удаа ард түмэндээ хандаж үг хэлжээ.

Түүний мэдэгдлийн урьдчилж бэлдсэн дүрс бичлэгийг өчигдөр Казахстаны төв телевизийн сувгаар цацсан байна.

“Удирдлагын дээд түвшинд ямар нэг хагарал, зөрчил гараагүй. Би 2019 онд ерөнхийлөгчийн эрх мэдлээ Касым-Жомарт Токаевт шилжүүлж, тэр үеэс хойш гавьяаныхаа амралтыг эдэлж байгаа билээ” гэж Назарбаев хэлжээ.

Тэрбээр Токаевын эхлүүлсэн шинэчлэлийг дэмжихийг ард иргэддээ уриалсан байна. Мөн үймээний үеэр гадаад руу дүрвээгүй, нийслэл хотод байснаа энэ үеэр хэлжээ.

Одоо 81 настай Назарбаев 30 орчим жилийн турш тасралтгүй Казахстан улсыг удирдсан юм. 2019 онд тэрбээр ерөнхийлөгчийн албан тушаалаа Токаевт шилжүүлсэн ч улс төрд нөлөөтэй хэвээр байв.

Шингэрүүлсэн хийн түлшний үнийн өсөлтөөс эхлэлтэй үймээн самуун гарсны дараа Токаев өмнөх ерөнхийлөгчийнхөө эрх мэдлийг хязгаарлаж, ойрын хүрээллийн хүмүүсийг нь өндөр албан тушаалаас зайлуулж эхэлсэн юм.

Үүний улмаас Токаев, Назарбаев нарын хооронд хагарал зөрчил үүссэн байж болзошгүй гэсэн таамаг яригдах болсон байна. Тухайлбал сүүлийн долоо хоногийн дотор Токаев тус улсын гол гол албан тушаалуудаас Назарбаевын хамаатнуудыг чөлөөлсөн юм.

Өмнө нь тэр Назарбаевын гол холбоотон Карим Массимовыг тагнуулын албаны даргын албан тушаалаас чөлөөлж, эх орноосоо урвасан хэрэгт буруутган баривчилж байв.

Өнгөрсөн долоо хоногт Токаев хэлсэн үгэндээ Казахстаны баялгийг гартаа оруулсан олигархуудтай тэмцэхээ амлаж байжээ.

“Назарбаев хэлсэн үгэндээ Токаевыг дэмжиж байгаагаа илэрхийлсэн нь талууд урьдчилсан байдлаар тохиролцоонд хүрснийг харуулж байж болзошгүй. Токаев улс орондоо бүрэн хяналт тогтоожээ” гэж Лондонд төвтэй Prism Political Risk Management байгууллагын үүсгэн байгуулагч, улс төрийн шинжээч Кэйт Мэллинсон тайлбарласан байна.

 

Эх сурвалж: Bloomberg

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Отгонтэнгэр их сургууль Олон улсын стандартын 2 дахь удаагийн баталгаажуулалтыг амжилттай хамгааллаа.
Отгонтэнгэр их сургуулийн багш нарын орчуулсан "Индра Ганди захирах зөн" номын нээлт боллоо
Өнөөдөр Улаанбаатарт 21 хэм дулаан
Ерөнхий сайдын нэрэмжит тэтгэлэгт тэнцсэн 75 оюутанд батламж гардуулав
Улсын хэмжээнд АИ-92 шатахууны 42 хоногийн нөөцтэй байна
“Quad”-ийн удирдагчдын дээд хэмжээний уулзалт эхэллээ
'BAIGALI“ аппликейшнд 3000 зүйлийн амьтан, ургамлын мэдээлэл багтжээ
Хөдөө аж ахуйн ээлжит тооллогод идэвхтэй хамрагдахыг уриалж байна
Замын-Үүдээр задгай вагоны тээврийг нэвтрүүлж эхэллээ
ОТГОНТЭНГЭР ИХ СУРГУУЛЬ “ХҮҮХДИЙН ХӨГЖИЛ, ТӨЛӨВШИЛ” ЭРДЭМ ШИНЖИЛГЭЭНИЙ ХУРЛЫГ 10 ДАХЬ ЖИЛДЭЭ ЗОХИОЖ БАЙНА
Шанхай хотод хатуу хөл хорио тогтоохоор болжээ
Уилл Смит тайзан дээр гаргасан үйлдлийнхээ төлөө Крис Рокоос уучлалт гуйлаа
Cургууль, цэцэрлэг, дотуур байрны нүхэн жорлонг шинэчлэхэд 100 тэрбум төгрөг зарцуулна
Өнөө маргаашдаа нутгийн зүүн хэсгээр салхитай хүйтэн байна
Европын холбооны Erasmus+ төслийн хүрээнд “Ажлын байранд суурилсан сургалт” үндэсний хэлэлцүүлэг болно
Гашуунсухайт боомтоор өдөрт 200 тээврийн хэрэгсэл нэвтэрч буйг ирэх сарын 1-нээс 300 болгоно
Өмнөд Солонгосын шинэ Ерөнхийлөгч Юн Сук Ёл гэж хэн бэ?
Японд барилгын ган арматур сүүлийн 14 жилийн хугацаанд дээд цэгтээ хүртэл өсжээ
Сэрэмжлүүлэг: Гадаадын иргэд цахим сүлжээ ашиглан их хэмжээний мөнгө залилж байгаа тул анхаарал, болгоомжтой байна уу!
Говь, тал, хээрийн нутгаар хүчтэй салхи, шороон шуургатай байхыг анхааруулж байна