Путин Казахстаныг террористуудаас амжилттай хамгаалснаа зарлажээ

2022-01-11

Даваа гарагт Хамтын Аюулгүй Байдлын Гэрээний Байгууллага (ХАБГБ)-ын гишүүн орнуудын удирдагчдын виртуал уулзалт зохион байгуулагджээ. Уг байгууллагад Зөвлөлтийн бүрэлдэхүүнд байсан зургаан улс багтдаг ба харилцан нэгнийхээ аюулгүй байдлыг хангах зорилготой цэргийн эвсэл юм.

Өчигдрийн уулзалтад оролцсон ОХУ-ын ерөнхийлөгч Владимир Путин өнгөрсөн долоо хоногт Казахстан улсад гарсан төрийн эргэлт хийх террористуудын оролдлогыг амжилттай таслан зогсоосноо мэдэгдсэн байна. Бас бусад гишүүн улс орнуудад ийм зүйл тохиолдвол ижил хариу арга хэмжээ авахаа илэрхийлжээ.

“Мэдээж Казахстанд анх удаа үймээн самуун гарч байгаа нь энэ биш. Бас энэ нь манай гишүүн улсуудын дотоод хэрэгт гадаадаас нөлөөлөх гэсэн сүүлчийн оролдлого ч биш. ХАБГБ-ын авсан арга хэмжээгээр бид дахин ийм нөхцөл байдалд хүргэхийг хэрхэвч зөвшөөрөхгүй гэдгээ тодорхой харууллаа” гэж Путин хэлжээ.

Гадаадад маш өндөр түвшинд бэлтгэгдсэн зэвсэгт этгээдүүд 2014 онд Украинд хэрэгжсэн “Майдан технологи”-ийг Казахстанд хуулбарлан ашиглахыг оролдсон гэж Путин энэ үеэр тайлбарласан байна.

Мөн ХАБГБ-ын энхийг сахиулагчид түр хугацаагаар Казахстанд нэвтэрсэн бөгөөд нөхцөл байдал тогтворжсоны дараа эх орондоо буцахыг амлажээ.

Өнгөрсөн долоо хоногт Казахстанд 30 жилийнх нь түүхэнд тохиолдож байгаагүй том бослого үймээн гарсан юм. Иргэд эхэндээ шингэрүүлсэн хийн түлшний үнийн өсөлтийг эсэргүүцэж байсан бол сүүлдээ эрх баригчдын эсрэг тэмцэж эхэлжээ.

Бослогын төв болж байсан Казахстаны хамгийн том хот Алматы өчигдрөөс хэвийн амьдралд шилжиж эхэлсэн байна.

Хотын гудамж талбайг цэвэрлэж, дэлгүүр, үйлчилгээний байгууллагууд нээгдэж, нийтийн тээврийн систем ажиллаж эхэлжээ.

Даваа гарагийн уулзалтад оролцсон Казахстаны ерөнхийлөгч Касым-Жомарт Токаев улс оронд нь болж өнгөрсөн үйл явдлыг төрийн эргэлт хийх оролдлого байсныг мэдэгдсэн байна.

“Иргэдийн жагсаал цуглаанаар халхавчилсан үймээн самуун байлаа. Гол зорилго нь үндсэн хуулиар тогтоосон дэг журмыг эвдэж, төрийн эрх мэдлийг булаах байсан нь тодорхой болсон” гэж тэр хэлжээ.

Токаев цааш нь хэлэхдээ “Гол хүч Алматы хотыг чиглэсэн байна. Уг хотыг гартаа оруулснаар тэд хүн ам шигүү суурьшсан өмнөд бүс нутгийг, цаашлаад бүх улс орныг хяналтдаа авах зорилготой байв. Дараа нь тэд нийслэлийг эзлэхээр төлөвлөжээ” гэсэн байна.

Терроризмийн эсрэг өргөн хүрээнд явуулж буй ажиллагаа удахгүй дуусахыг Токаев бусад гишүүн орнуудын удирдагчдад мэдэгджээ. Уг ажиллагаанд ХАБГБ-ын илгээсэн 2,030 цэрэг, 250 машин техник бас оролцож байгааг тэр дурдсан байна.

Өнгөрсөн долоо хоногт болсон үйл явдлын үеэр амиа алдсан хүмүүсийн дурсгалыг хүндэтгэх гашуудлын өдрийг өчигдөр Казахстанд зарлажээ.

Эрх баригчид нийт 164 хүн алагдсаныг Ням гарагт албан ёсоор зарласан юм.

Эх сурвалж: Reuters, Russia Today

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Отгонтэнгэр их сургууль Олон улсын стандартын 2 дахь удаагийн баталгаажуулалтыг амжилттай хамгааллаа.
Отгонтэнгэр их сургуулийн багш нарын орчуулсан "Индра Ганди захирах зөн" номын нээлт боллоо
Өнөөдөр Улаанбаатарт 21 хэм дулаан
Ерөнхий сайдын нэрэмжит тэтгэлэгт тэнцсэн 75 оюутанд батламж гардуулав
Улсын хэмжээнд АИ-92 шатахууны 42 хоногийн нөөцтэй байна
“Quad”-ийн удирдагчдын дээд хэмжээний уулзалт эхэллээ
'BAIGALI“ аппликейшнд 3000 зүйлийн амьтан, ургамлын мэдээлэл багтжээ
Хөдөө аж ахуйн ээлжит тооллогод идэвхтэй хамрагдахыг уриалж байна
Замын-Үүдээр задгай вагоны тээврийг нэвтрүүлж эхэллээ
ОТГОНТЭНГЭР ИХ СУРГУУЛЬ “ХҮҮХДИЙН ХӨГЖИЛ, ТӨЛӨВШИЛ” ЭРДЭМ ШИНЖИЛГЭЭНИЙ ХУРЛЫГ 10 ДАХЬ ЖИЛДЭЭ ЗОХИОЖ БАЙНА
Шанхай хотод хатуу хөл хорио тогтоохоор болжээ
Уилл Смит тайзан дээр гаргасан үйлдлийнхээ төлөө Крис Рокоос уучлалт гуйлаа
Cургууль, цэцэрлэг, дотуур байрны нүхэн жорлонг шинэчлэхэд 100 тэрбум төгрөг зарцуулна
Өнөө маргаашдаа нутгийн зүүн хэсгээр салхитай хүйтэн байна
Европын холбооны Erasmus+ төслийн хүрээнд “Ажлын байранд суурилсан сургалт” үндэсний хэлэлцүүлэг болно
Гашуунсухайт боомтоор өдөрт 200 тээврийн хэрэгсэл нэвтэрч буйг ирэх сарын 1-нээс 300 болгоно
Өмнөд Солонгосын шинэ Ерөнхийлөгч Юн Сук Ёл гэж хэн бэ?
Японд барилгын ган арматур сүүлийн 14 жилийн хугацаанд дээд цэгтээ хүртэл өсжээ
Сэрэмжлүүлэг: Гадаадын иргэд цахим сүлжээ ашиглан их хэмжээний мөнгө залилж байгаа тул анхаарал, болгоомжтой байна уу!
Говь, тал, хээрийн нутгаар хүчтэй салхи, шороон шуургатай байхыг анхааруулж байна