Дэлхийн нийгмийн мэдээллийн аварга “Фэйсбүүк” /Facebook Inc/ компани аравдугаар сарын 28-нд компанийн хөгжүүлэлт, брэндийн талаар уулзалт хийхээр төлөвлөжээ. Эх сурвалжийн мэдээлснээр “Фэйсбүүк” компани нэрээ өөрчлөхийг хүсч байгаа аж.

“Фэйсбүүк”-ийн гүйцэтгэх захирал Марк Цукерберг аравдугаар сарын 28-нд болох “Connect” гэх жил бүрийн хурлын үеэр компанийнхаа одоогийн нэрийг өөрчилж солих асуудлаар ярихаар төлөвлөсөн гэнэ. Гэсэн ч нэр өөрчлөх асуудлыг арай эрт авч хэлэлцэж магадгүй байгаа аж.

Харин “Фэйсбүүк” одоогоор ямар нэгэн тайлбар өгөөгүй байна. Шинэ нэр нь маш өндөр нууцлалтай байгаа ба компанийн дээд удирдлагууд ч чухам ямар нэр өгөх гэж байгааг мэдэхгүй байгаа гэнэ.

(Эх сурвалж: bbc)