Засгийн газрын Лхагва гарагийн ээлжит хуралдаан 08:00 цагт эхэллээ. Тус хуралдаанаар дараах асуудлыг хэлэлцэж баталгаажуулна.

• Коронавируст халдвар цар тахлын нөхцөл байдал, авч хэрэгжүүлж байгаа шуурхай арга хэмжээ,
• Эрүүл мэндээ хамгаалж, эдийн засгаа сэргээх 10 их наядын цогц төлөвлөгөөний хэрэгжилт,
• Нийтийн мэдээллийн тухай хуулийн төсөл,
• Хувийн мэдээллийг хамгаалах тухай хуулийн төсөл зэрэг 20 гаруй асуудал хэлэлцэхээр төлөвлөсөн байна.

2021.03.22-нд Шадар сайд С.Амарсайхан ахлуулсан Улсын Онцгой комисс хуралдаж зарим арга хэмжээг авч, хэрэгжүүлэх болсон. Хатуу хөл хорио тогтоохгүйгээр дөрөвдүгээр сарын 5-ны өдрийг хүртэл одоо баримтлаж байгаа улбар шар түвшиндээ байхаар шийдсэн юм. Хэдийгээр халдварын тархалт нэмэгдэж байгаа ч аж ахуйн нэгжийн үйл ажиллагааг хорьж хаалгүй, ажиллах цагт хязгаарлалт хийнэ, халдвар хамгааллын дэглэмийг чанд мөрдүүлж хэвийн үргэлжлүүлнэ” хэмээн мэдэгдсэн.