АНУ-д өнгөрсөн оны арванхоёрдугаар сарын 14-нээс эхлэн вакцинжуулалтыг эхлүүлсэн билээ. Өнөөдрийн байдлаар АНУ-д 77 сая гаруй доз вакцинийг иргэдэд хийсэн талаар Өвчний хяналт, сэргийлэлтийн төвөөс  мэдээлсэн байна. Одоогоор 96,402,490 вакцинийг улс орон даяар тараасан бол үүний 80 хувийг буюу 76,899,987 дозыг иргэдэд тарьсан аж. Вакцинжуулалтад хамрагдаж буй иргэдийн тоо өндөр байгаа бөгөөд өчигдөр л гэхэд 1,7 сая иргэнийг хамруулсан байна. Мөн долоо хоногт вакцин хийлгэж байгаа иргэдийн тоо 1,8 сая байгаа юм. 
 
АНУ-ын хүн амын 15 хувь буюу 50.7 сая хүн вакциний эхний тарилгыг хийлгэсэн бол хүн амын найман хувь буюу 25.5 сая хүн бүтэн вакцинжуулалтад хамрагдсан байна. 

Эх сурвалж: CNN