2021-02-19
АНУ Хойд Солонгосын гурван иргэнийг яллагдагчаар татлаа. Учир нь эдгээр залуус дэлхийн өнцөг булан бүрт үйл ажиллагаа явуулдаг банк, аж ахун нэгжээс нийт 1.3 тэрбум ам доллар хулгайлсан хэрэгт яллагдагчаар татлаа. Түүнчлэн 2017 онд Их Британий эрүүл мэндийн үйлчилгээний системийг хакердсан "Wannacry" халдлагад холбоотой хэмээн буруутгаж байгаа аж.
Яллагдагчаар татагдсан гурван залуугийн нэг Пак Жин Хок 2014 онд болсон Сони кино компанийг хакердсан хэрэгт холбогдон хоёр жилийн хорих ял сонсож байсан юм. Тэднийг гэмт хэрэг хийхдээ үгсэн хуйвалдаж, банкны луйвар, утсаар бусдыг залилсан хэргээр шалгаж байна. Одоогийн байдлаар тэднийг АНУ-ын тал бариагүй байгаа бөгөөд тэд Хойд Солонгос, Орос, БНХАУ-д байж болзошгүй талаар мэдээллээ.
АНУ-ын Ерөнхий Прокурорын газрын ажилтан Жон Димерс "Хойд Солонгосын ажилтнууд буунаас илүүтэйгээр компьютерийг илүүд үзэж, бэлэн мөнгө гэхээс илүү бусдын цахим түрийвч рүү гараа хийж байна. Энэ бол хамгийн том дээрэм" хэмээсэн байна.
Ташрамд дурдахад, Хойд Солонгос коронавирусийн эсрэг вакцин болох "Файзер", "Модерна" компанийн вакциний мэдээллийг авахаар цахим халдлага хийсэн ч амжиллтай болсон эсэх нь тодорхой биш байгаа талаар мэдээлэл гарсан билээ.
Эх сурвалж: BBC, CNN
ЦАГ АГААР
°C/°C
°C/°C
°C/°C
Төстэй мэдээнүүд