Арабын Нэгдсэн Эмират Улсын Дубай хотноо зохион байгуулагдаж байгаа "DUBAI PUBG MOBILE GLOBAL CHAMPIONSHIP" тэмцээнд Монгол Улсыг төлөөлөн оролцож буй  ZEUS CLAN /Pubg Mobile Mongolia баг эхний гурван өдрийн дараах байдлаар нэгдүгээрт бичигдэж байгаа "4AM" багтай оноо тэнцүүгээр хоёрдугаар байрт бичигдээд байна. Энэ өдрийн үнэ цэнэтэй тоглогчоор ZeusZyoll буюу Б.Золбоот нэрлэгдэв.

Өчигдрийн тоглолтод манай баг "Санхок" дээр ялагч болж, тэмцээнийг хошуучилж эхэлсэн юм. Гэсэн хэдий ч дараагийн хоёр тоглолтод  БНХАУ-ын ''Angry 4 men'' баг алдсан оноогоо нөхөж, манай багтай оноо тэнцэн, нэгдүгээр байрт бичигдэж эхэлсэн. 

Багууд өнөөдөр шийдвэрлэх найман тоглолтоо хийсний дараагаар тус тэмцээний ялагч тодорхой болох юм. Маргаашийн тоглолтуудыг "Zeus" багийн албан ёсны фейсбүүк хуудас болох  ZEUS CLAN /Pubg Mobile Mongolia монгол тайлбартайгаар үзэх боломжтой.
Мөн тэмцээний нийт шагналын сая 1.2 сая ам доллар бөгөөд нэгдүгээр байрт 700,000 ам доллар, удаах байрт 200.000 ам доллар, гутгаар байрт орсон баг 100.000, тэмцээнд оролцсон 16 баг тус тус мөнгөн шагнал авах аж.  Түүнчлэн тэмцээний үнэ цэнэтэй тоглогч 15.000 долларын шагнал авах юм. 

Эх сурвалж: Embassy of Mongolia to the State of Kuwait, liquipedia.net