2021-01-21
МАН-ын Удирдах зөвлөл яг одоо хуралдах гэж байна. Удирдах зөвлөлийн хурлаар огцрох хүсэлтээ гаргасан Шадар сайд Я.Содбаатар, Эрүүл мэндийн сайд Т.Мөнхсайхан нарын хүсэлтийг хэрхэн шийдвэрлэх, огцруулсан тохиолдолд яах вэ гэдгийг хэлэлцэх юм байна.
Үндсэн хуулийн нэмэлт, өөрчлөлтийн дагуу Ерөнхий сайд сайд нараа өөрөө томилж, чөлөөлөх эрх зүйн орчин бүрдсэн юм. Өмнө нь Засгийн газрын гишүүдийг томилж, чөлөөлөх асуудлыг заавал УИХ-аар хэлэлцүүлэн санал хурааж шийдвэрлэдэг байлаа. Харин одоо Ерөнхий сайд сайд нараа томилж, чөлөөлж буйгаа УИХ-д танилцуулан өөрөө шийдвэр гаргадаг болсон. Тиймээс Ерөнхий сайд албан тушаалаасаа чөлөөлөгдөх хүсэлтэй сайд нарын хүсэлтийг хүлээж авсан гэдэг нь огцруулсан гэсэн үг биш юм. Засгийн газрын тухай хуулийн 23.1.2-т заасны дагуу Ерөнхий сайд үүрэгт ажлаас нь чөлөөлж байгаа тухайгаа мэдэгдсэн захирамж гаргаснаар тухайн сайд албан ёсоор огцорно. Үүний дагуу Ерөнхий сайд бөгөөд МАН-ын дарга У.Хүрэлсүх хоёр сайдынхаа огцрох хүсэлтийг хэрхэн шийдвэрлэхээ намынхаа Удирдах зөвлөлийнхөө гишүүдтэй зөвлөлдөх гэж байгаа бололтой.
ЦАГ АГААР
°C/°C
°C/°C
°C/°C
Төстэй мэдээнүүд