Барилгын салбарын өсөлт удааширч байна

2019-12-25

Засгийн газрын санхүүжилт ирэх жил гурав дахин хумигдана

Барилгын салбарын өсөлтийг хангаж, орон сууцны борлуулалтыг дэмжихэд 60 тэрбум төгрөг хангалттай санхүүжилт биш

Ипотекийн зээлийн зах зээлийг ирэх оноос Засгийн газар тодорхойлно. Сүүлийн зургаан жил энэ зах зээл 5.3 дахин өссөн нь 2013 оноос жилийн найман хувийн зээлийн хүүтэй орон сууцны хөтөлбөр хэрэгжсэнтэй холбоотой. Тэгвэл 2020 онд хөтөлбөрөөс Монголбанк гарч, төрийн оролцоо улам нэмэгдэх гэж байна. 

ОУВС-гийн "Өргөтгөсөн санхүүжилтийн хөтөлбөр"-ийн хүрээнд төв банк дээрх найман хувийн зээлийн хөтөлбөрөөс гарахаар төлөвлөж буй. Гэвч 5.3 дахин өссөн зах зээлийн эрч доорх шалтгаанаар саарахаар байна. Улсын төсөвт 60 гаруй тэрбум төгрөг ипотект хуваарилсан нь барилгын салбарт уналт авчрах эрсдэлтэйг эдийн засагч Ч.Хашчулуун анхааруулсан юм.

60 тэрбум төгрөг барилгын салбарт, түүний дотор орон сууцны борлуулалтыг дэмжих хэмжээний хангалттай санхүүжилт биш гэдгийг тэрбээр хөндсөн юм. Энэ онтой харьцуулахад Засгийн газрын санхүүжилт ирэх жил гурав дахин хумигдах ба төв банк хөтөлбөрөөс гарах тул одоогийн санхүүжилт дахин багасна гэсэн үг. Өнгөрсөн 10 жилийн хугацаанд хамгийн их хөрөнгө оруулалт барилгын салбарт хийгдсэн билээ.

Тиймээс барилгын салбарыг дэмжих замаар эдийн засгийн өсөлтийг хадгалах боломж байна. Тодруулбал, ипотекийн зээлийн санхүүжилтийг нэмэх нь эргээд барилгын салбарын удаашралыг сааруулах ач холбогдолтой хэмээн Ч.Хашчулуун тэмдэглэлээ. Салбарын яамны мэдээллээр уг нь 30 гаруй мянган орон сууц зах зээлд эзнээ хүлээж байна.

Манай улсын эдийн засаг энэ оны гуравдугаар улирлын байдлаар 6.3 хувиар өссөн. Он гарснаас хойш эдийн засгийн өсөлт суларч байгаа нь энэ. Ирэх онд ч ДНБ-ий өсөлт уруудах төлөвтэй байна. Тиймээс уул уурхайгаас хамаарал багатай барилгын салбараа дэмжихгүй бол эдийн засгийн өсөлт буурахаар байгаа юм. Азийн хөгжлийн банк, Дэлхийн банкны таамаг ч үүнийг батална.

Ипотект нийт 95 мянга гаруй иргэн хамрагдсан бөгөөд ирэх онд 100 мянгад хүрэхээр байна. Энэ он гарснаас хойш орон сууцны үнэ тогтворжиж буй. Хэрэв борлуулалт буурсаар байвал зах зээл дэх нийлүүлэлт улам нэмэгдэнэ. Манай улсын эдийн засгийн өсөлтийг барилга, уул уурхай, хөдөө аж ахуй, үйлчилгээний салбар бүрдүүлж байна.

Эх сурвалж: GOGO.mn

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Ерөнхийлөгчид нэр дэвшигчид ӨНӨӨДӨР мэтгэлцэнэ
Н.Түвшинбаяр МҮОХ-нд тамгаа авчирч өгчээ
М.Уранцэцэг Хөдөлмөрийн баатар цолоо ДАШТ-ий 4 дэх медалиар мялаалаа
Монголд байнга оршин суух зөвшөөрөлтэй гадаадын иргэд гарах-орох виз мэдүүлэх шаардлагагүй боллоо
Н.Түвшинбаяр МҮОХ-ны ТАМГЫГ буцааж өгнө гэжээ
Өнөөдөр 1189 хүнээс халдвар илэрч, 13 хүн нас барлаа
Ахлах ахлагч Э.Даваажамц 90 км зам туулаад байна
Худал мэдээлэл түгээсэн гэх Г.Ган-Очирыг баривчилжээ
Өнөөдөр 10260 иргэнийг дархлаажуулна
Д.СУМЪЯАБАЗАР: Улсын төсвөөс жил бүр 420 тэрбум төгрөгийг нийслэлд олгохоор болсон
Хатуу хөл хорио тогтоохгүй
Нийслэлийн 18-аас дээш насны иргэд 100 хувь I тундаа хамрагджээ
С.Батцэцэг, О.Насанбурмаа нар Польшийн нийслэл Варшавт барилдана
Урсгал уснаас эрэн хайх, аврах ажиллагааны дадлага сургууль эхэллээ
Өнөөдөр ихэнх нутгаар цаг агаар тогтуун байна
Монгол ноолуур анх удаа газраар Итали улс руу тээвэрлэгдлээ
Н.Түвшинбаярт холбогдох хэргийг шалгаж дуусчээ
Зорилтот бүлгийн иргэдэд Файзер вакцин хийж байна
Тусгаарлан ажиглах байранд 6308 иргэн байна
2021 онд агаарын бохирдлоос гадна хөрс, ус, хогны асуудлыг чухалчилна