NATO-гийн чуулганы үеэр Макрон, Трамп нар ширүүн маргалдав

2019-12-04

Британийн нийслэл Лондон хотод NATO-гийн дээд хэмжээний чуулган өчигдөр эхэллээ. Эхний өдөр АНУ-ын ерөнхийлөгч Дональд Трамп, Францын ерөнхийлөгч Эммануэл Макрон нар сэтгүүлчдэд хамтарсан мэдэгдэл хийх үеэрээ ширүүн маргалдсан байна.

Чуулган эхлэхийн өмнөх өдөр Дональд Трамп өөрийн Европ дахь чухал холбоотон Францын эсрэг эдийн засгийн хориг хэрэгжүүлэх гэж байгаагаа зарласан билээ. Харин Макрон өнгөрсөн сард хэвлэлд ярихдаа NATO-г “тархи нь үхжсэн” байгууллага хэмээн шүүмжилж байв. Тэрээр Дональд Трампын гадаад бодлого тус байгууллагын үндсэн зорилт, эв нэгдлийг алдагдуулж байна хэмээн шүүмжилсэн юм.

АНУ-ын ерөнхийлөгч Дональд Трамп, Францын ерөнхийлөгч Эммануэл Макрон зурган илэрцүүд

Дональд Трамп өчигдөр Макроны хэлсэн дээрх үгсийг “маш увайгүй, доромжилсон утгатай” хэмээн дахин дахин шүүмжилжээ.

Трампыг Ойрх Дорнод дахь Исламын улс бүлэглэлийг бүрэн устгаж дууссанаа бахархалтай ярихад Макрон “Миний бодлоор бид нэн тэргүүний зорилтоо хэрэгжүүлж дуусаагүй байгаа. Исламын улсын аюул оршсоор байна. Ингэж хэлсэнд уучлаарай” хэмээн хариу тайлбар хийсэн юм.

Үүний дараа Трамп одоо Сирийн нутагт хоригдож байгаа Исламын улсын террористуудаа буцааж авахыг Францын ерөнхийлөгчөөс шаарджээ. “Европоос очсон маш олон террорист тэнд байгаа. Францаас, Германаас, Британиас. Зарим улсууд өөрсдийн иргэдээ хүлээж авахыг зөвшөөрөөд байгаа. Харин ерөнхийлөгч Макронтой энэ талаар яриагүй юм байна” гэж Трамп хэлсэн байна.

Тэрээр дараа нь Макронд хандаж “Та Исламын улсын дайчдаас авмаар байна уу? Би танд дуртайяа өгч чадна шүү. Хүссэн хэмжээгээрээ аваарай” гэж тохуурхан хэлжээ.

Харин Макрон хариуд нь “Энэ бол тоглоом биш, нухацтай ярих асуудал. Исламын улсын олзлогдогсдын ихэнх нь Сири, Ирак болон Ойрх Дорнодын бүс нутгаас гаралтай байгаа. Таны номер нэг асуудал бол гадаадаас очсон террористууд биш” гээд Европоос очсон хүмүүс багахан хувь эзэлж байгааг батлан хэлсэн юм.

Хариуд нь Трамп “Энэ бол миний сонссон хамгийн том булзааруулсан хариулт байлаа. Гэхдээ санаа зоволтгүй” хэмээн хариулжээ.

Эцэст нь Макрон “Америкийн ерөнхийлөгч Европын үзэл санаанаас өөр бодолтой байгааг бид анх удаа харлаа. Америкийн бодлого Европыг өөрөөсөө  холдуулж байна” хэмээн дүгнэсэн байна.

Дональд Трампын ерөнхийлөгчөөр ажилласан гурван жилийн хугацааны эхэнд АНУ-Францын удирдагчдын харилцаа маш сайн байсан. Гэвч сүүлийн жил гаруй хугацаанд Трамп, Макрон нарын хооронд худалдаа, эдийн засаг, батлан хамгаалах салбарт олон зөрчил маргаан үүсээд байна.

                                                                                                                                                                          Эх сурвалж: Reuters

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!