Өглөөний цай хүний биед чухал үүрэгтэй. Тиймээс эрүүл, зөв хооллолтын үндэс гэж үздэг. Учир нь өглөөний цай заавал ууснаар хүний биеийн бодисын солилцоо эрчимжих бөгөөд цусан дахь сахарын хэмжээ тогтмолждог аж. Өглөөний цай ууснаар ходоод дүүрэн байх мэдрэмж удаан хугацааны туршид хадгалагддаг гэнэ. Түүнчлэн ажлын бүтээмж өндөр байж, анхаарал төвлөрөлт, шинэ юм хүлээж авах чадвар илүү өндөр байдаг гэдгийг ч тогтоожээ. Өглөөний цай нь даралт ихдэх болон харвалтаас 27 хувь, чихрийн шижингээс 20 хувь сэргийлдэг байна.

Хүйтэн сэрүүний улиралд бол өглөөний цай хамгийн чухал амин дэм, илчлэгийн эх үүсвэр болдог байна. Тиймээс Нийгмийн эрүүл мэндийн үндэсний төвөөс бэлтгэсэн өглөөний цайны цэсүүдийг толилуулж байна. Ханиад, томуугийн дэгдэлт өндөр байдаг өвлийн улиралд өглөөний цайгаа ууж хэвших нь эрүүл мэнддээ хийж буй хөрөнгө оруулалт гэдгийг эрүүл мэндийн байгууллагынхан зөвлөж байна.