2019-11-08
Д.Одбаярт 10 хоногийн хилийн хориг тавьсан байгаа ба тэрбээр БНСУ-ын прокурорын байгууллагад Монгол руу нисэх зөвшөөрөл хүссэн байна. БНСУ-ын талаас түүний хүсэлтэд хараахан хариу өгөөгүй байгаа гэнэ.
Монгол Улсын Үндсэн хуулийн Цэцийн дарга Д.Одбаярт холбогдох хэргийг БНСУ-ын Нисэхийн аюугүй байдлын тухай хуулийг зөрчсөн хэмээн прокурорт шилжүүлж байгаагаа Инчеон хотын цагдаагийн байгууллага өнөөдөр /2019.11.08/ мэдэгджээ. Мөн түүнийг бусдыг айлган сүрдүүлж, заналхийлсэн гэх үндэслэлээр яллах дүгнэлт үйлдэхээр төлөвлөж байгаа юм байна.
Тэрбээр аравдугаар сарын 31-ний өдөр Улаанбаатар Инчеоны чиглэлийн KAL-ын нислэгээр зорчиж явахдаа онгоцны үйлчлэгч бүсгүй бэлгийн дарамт учруулсан, мөн тухайн үед орчуулга хийсэн KAL –ийн монгол ажилтныг хэл амаар доромжилж, айлган сүрдүүлсэн хэмээн буруутгагдаж байгаа юм.
Д.Одбаяр нь анхан шатны мөрдөн байцаалтын үеэр уг хэргийг эрс няцаан, өөрийнх ард явж байсан монгол иргэнтэй андуурагдаж байна, хэргийг дипломат аргаар шийдвэрлүүлнэ хэмээн мэдүүл байсан ч лхагва гаригт /2019.11.06/ болсон байцаалтын үеэр “Би согтуу байсан. Тиймээс юу ч санахгүй байна. Хохирогч тэгж мэдүүлсэн бол би архины нөлөөнд автаж, тийм үйлдэл гаргасан байж магадгүй” гэсэн утгатай зүйл ярьжээ.
Мөн тус хотын цагдаагийн газраас Д.Одбаяртай хамт явсан А гэгчийг БНСУ-ын хилээр орж ирмэгц баривчлах шийдвэр гаргаад байгаа ба түүнийг Интерполын “улаан жагсаалт”-д оруулан эрэн сурвалжлах хүсэлт гаргааж байгаа юм.
Эх сурвалж:YONHAP
ЦАГ АГААР
°C/°C
°C/°C
°C/°C
Төстэй мэдээнүүд