Гишүүдийн ХОМ буланд С.Жавхлан гишүүнийг онцолж байна. С.Жавхлан  УИХ-ын гишүүн болсноосоо хойш 80 шахам сая төгрөгийн орлого олдог тухайгаа мэдүүлж байжээ. Харин 2018 онд жилийн 22 сая төгрөгийн орлого олсон гэдгээ мэдүүлжээ. С.Жавхлан гишүүнийх нэг нийтийн орон сууц, нэг гэртэй эдгээр нь 132 сая төгрөгөөр үнэлэгдэж байна. Тэрбээр Hyundai,Santa Fe,Nissan,Patrol,Toyota,Land Cruiser 200 маркийн машинтай. Эдгээр нь 433 сая төгрөгийн үнэлгээтэй. 

Мөн 102 сая төгрөгийн өртөг бүхий 30 адуутай, 65 үхэртэй, 200 хоньтой. 55 сая төгрөгийн үнэлгээ бүхий үнэт эдлэлтэй. 69 сая төгрөгийн хадгаламжтай, Монголоороо сэрэхүй ТББ Бусад, Бүрэн монголоороо ХХК-тай. 

Харин эхнэр Эрдэнэчимэгийн хувьд 2018 онд 38 сая төгрөгийн жилийн орлого олсон тухайгаа мэдүүлжээ. Тэрбээр С.Жавхланг УИХ-ын гишүүн болохоос өмнө буюу 2015 онд жилийн 720 мянган төгрөгийн орлого олдог байсан тухайгаа мэдүүлж байжээ.