980.0 мянган хүүхдэд 169.5 тэрбум төгрөгийг хүүхдийн мөнгөн тэтгэмж болгон олгожээ

2019-10-14

980.0 мянган хүүхдэд 169.5 тэрбум төгрөгийг хүүхдийн мөнгөн тэтгэмж болгон олгожээ

Нийгмийн даатгалын ерөнхий газар болон Эрүүл мэндийн даатгалын ерөнхий газрын мэдээллээр нийгмийн даатгалын сангийн орлого 2019 оны эхний 9 сард 2.0 их наяд төгрөг болж, өмнөх оны мөн үеэс 324.3  тэрбум төгрөг, зарлага 1.9 их наяд төгрөг болж, өмнөх оны мөн үеэс 313.4  тэрбум төгрөгөөр тус тус өслөө. Нийгмийн даатгалын сангийн орлого 2019 оны эхний 9 сард өмнөх оны мөн үеэс 324.3 тэрбум төгрөгөөр өсөхөд тэтгэвэрийн даатгалын сангийн орлого 262.8 тэрбум төгрөгөөр, эрүүл мэндийн даатгалын сангийн орлого 26.9  тэрбум төгрөгөөр өссөн нь голлон нөлөөлсөн байна.

Нийгмийн даатгалын сангийн зарлага 2019 оны эхний 9 сард өмнөх оны мөн үеэс 313.4 тэрбум төгрөгөөр өсөхөд тэтгэврийн даатгалын сангийн зарлага 165.4  тэрбум төгрөгөөр, үйлдвэрийн осол, мэргэжлээс шалтгаалах өвчний даатгалын сангийн зарлага 67.3  тэрбум төгрөгөөр өссөн нь голлон нөлөөлөв. Энэ оны 9 дүгээр сард нийгмийн даатгалын сангийн орлого 227.4 тэрбум, зарлага 199.2 тэрбум болж, өмнөх сараас орлого 5.0  тэрбум төгрөгөөр өсөж, зарлага 849.8 сая төгрөгөөр буурсан байна.

Хөдөлмөр, халамжийн үйлчилгээний ерөнхий газрын мэдээллээр нийгмийн халамжийн сангаас 2019 оны эхний 9 сард 421.5 мянган хүнд 218.6 тэрбум төгрөгийн тэтгэвэр, тэтгэмж олгосон нь өмнөх оны мөн үеэс нийгмийн халамжийн тэтгэвэр, тэтгэмж авагчид 227.0  мянгаар өсөж, олгосон тэтгэвэр, тэтгэмжийн хэмжээ 113.7 тэрбум төгрөгөөр нэмэгджээ. Нийгмийн халамжийн тэтгэвэр, тэтгэмж авсан хүн болон олгосон тэтгэвэр, тэтгэмжийн хэмжээ өсөхөд “0-3 хүртэлх насны хүүхэд асарсны тэтгэмж болон жирэмсэн эхийн тэтгэмж” авсан хүний тоо 3.3 дахин, олгосон тэтгэмжийн хэмжээ 8.1 дахин өссөн нь голлон нөлөөлсөн байна.

Нийгмийн халамжийн тэтгэвэрт 2019 оны эхний 9 сард 57.0 мянган хүн хамрагдсан нь өмнөх оны мөн үеэс 705 -оор буурч, харин олгосон тэтгэврийн хэмжээ 13.9  тэрбум төгрөгөөр өссөн байна. Нийгмийн халамжийн тэтгэвэрт 2019 оны эхний 9 сард 57.0 мянган хүн хамрагдсаны 68.2 хувь нь хөгжлийн бэрхшээлтэй иргэн, 26.3 хувь нь тэжээгч нь нас барсан 18 хүртэлх насны хүүхэд, 5.3 хувь нь ахмад настан, 0.2 хувь нь 16 насанд хүрсэн одой иргэн байна. Нийгмийн халамжийн тэтгэмжид 2019 оны эхний 9 сард 94.5 мянган хүн хамрагдсаны 61.0 хувь нь асаргааны тэтгэмжид, 39.0 хувь нь онцгой тохиолдлын болон амьжиргааг дэмжих мөнгөн тэтгэмжид хамрагдсан иргэд байна. Нийгмийн халамжийн тэтгэмжид 2019 оны эхний 9 сард 54.0 тэрбум төгрөг олгосон нь өмнөх оны мөн үеэс 26.0   тэрбум төгрөгөөр өсжээ. Энэ оны 9 дүгээр сард 18 хүртэлх насны 980.0 мянган хүүхдэд 169.5 тэрбум төгрөгийг хүүхдийн мөнгөн тэтгэмж болгон олгожээ.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Өнөөдрийн Улаанбаатар, Сөүл чиглэлийн тусгай нислэг хойшиллоо
Суултуурын тагийг хааж ус татахыг зөвлөв
Ханх суманд 3.6 магнитуд хүчтэй газар хөдөллөө
УОК: Хот хоорондын зорчих хөдөлгөөнийг 3-р сарын 1-нээс нээх болсонтой холбогдуулан бэлтгэлээ хангахыг даалгалаа
Н.Түвшинбаяр аварга Ерөнхий сайдад зөвлөнө
Өнөөдөр Улаанбаатарт 2-4 градус хүйтэн байна
А.Амбасэлмаа: Нийт 46 хүнээс халдвар илэрснээс 22 нь "Нэг хаалга нэг шинжилгээ"-гээр батлагдлаа
Нийслэлд ЕБС, их дээд сургууль, МСҮТ-ийг танхимаар хичээллэх хугацаа тодорхойгүй байна
Г.Загдаа, Г.Амарсайхан нарын холбогдох хэргийн давж заалдах шатны шүүх хурал өнөөдөр болно
АТГ-аас коронавирусийн халдвартай тэмцэхэд иргэд, ААН-үүдээс өгсөн ХАНДИВЫН ЗАРЦУУЛАЛТЫГ шалгаж эхэлжээ
ЭЕШ-ын онлайн бүртгэл өнөөдрөөс орон даяар эхэллээ
Истанбул-Улаанбаатар чиглэлийн нислэгээр 254 иргэн эх орондоо ирнэ
Монголчуудын хийлгэх 4 вакциныг харьцуулах нь
Тайгер Вүүдсийн хагалгаа амжилттай болж, ухаан орлоо
Улаанбаатарт өдөртөө 3 хэм дулаан
ЭМЯ: Шинээр 32 тохиолдол бүртгэгдлээ
Оюу толгой төслийн гадны хөрөнгө оруулагч талтай хэлэлцээ хийх ажлын хэсэг хуралдав
Г.Ариунбаатарыг ОХУ-ын "Гавьяаны төлөө" медалиар шагнажээ
Монгол адуучны тухай баримтат кино олон улсын наадамд шалгарлаа
Отгонтэнгэр их сургууль Европын холбооны 100%-ийн санхүүжилттэй төслийн ерөнхий зохицуулагчаар ажиллахаар боллоо