Сүхбаатар дүүргийн нутаг дэвсгэр Сэлбэ голын эргээс 2019.09.15-ны өдөр 40 орчим насны, нүцгэн эмэгтэй хүний цогцос олдсон талаар өмнө нь бид мэдээлсэн.

Эх сурвалжийн мэдээлснээр талийгаач гадны нөлөөтэй нас баржээ. Тодруулбал, урьдчилсан шалгалтаар амь хохирогч нь тус дүүрэгт оршин суух хаягтай, 48 настай О болох нь тогтоогдсон бөгөөд талийгаач эмэгтэйн биед олон тооны шарх үүсэж, бусдад зодуулсан, хүчирхийлүүлсэн байж болзошгүй нөхцөл байдал илэрчээ. Хэргийн газраас эд мөрийн баримтаар нэг ширхэг архины шил, гурван ширхэг шар айрагны лааз, цаасан аяга зэргийг хураан авч, шинжилж байна. Уг хэрэгтэй холбоотойгоор өчигдөр хоёр хүнийг баривчилж, шалгалтын ажиллгааг үргэлжлүүлж байна.