Н.Батсуурь "Улсын аварга үнэгүй үйлчлүүлнэ" хэмээн үйлчилгээний ажилтныг дарамталжээ

2019-09-06

Монгол Улсын аварга Н.Батсуурь есдүгээр сарын 3-ны өдрийн 502 дугаар нислэгээр Монголд буусан байна. Тэрбээр өөрийн цахим хуудаснаа Жүдо бөхийн шигшээ багийн тамирчдаа дэмжээд, Япон улсаас ирсэн тухай бичсэн байсан.

Мөн аварга Н.Батсуурь эх орондоо буусныхаа дараа цахим хуудсандаа “Чингис хаан” Олон улсын нисэх буудал /ОУНБ/-ын ажилчдын хариуцлагагүй байдлаас болж ачаагаа алдсан талаар нийтэлж, тус олон улсын нисэх буудлын үйлчилгээг шүүмжилсэн байдаг.

Энэ талаар “Чингис хаан” нисэх буудлын ажилтнуудаас тодрууллаа.

“Чингис хаан” ОУНБ-ын үйлчилгээ хариуцсан дэд захирал Л.Отгонжаргал:

-Улсын аварга Н.Батсуурь ачааныхаа виркийг дутуу өгснөөс болоод манай байгууллагатай шууд бус хамааралтай алдаа гарсанд хүлцэл өчиж байна. Н.Батсуурь аварга бизнес лоунжид гурван хүнтэй хамт орж ирсэн. Түүнээс үйлчилгээний төлбөр хүсэхэд Монгол Улсын аварга хүн учраас мөнгө төлөхгүй үйлчлүүлнэ гэдэг байдлаар манай үйлчилгээний ажилтнуудтай ёс бус харьцсан байсан. Тухайн үед манай ажилчид аль болох эв зүйтэй, хүндэтгэлтэй хандсан хэдий ч дайрч давшилж, доромжилж, бүр энгэрийн зүүлтээс нь зулгааж, “Чи хэн юм, чамайг ажилгүй болгоно” гэж хэлсэн байсан. Тухайн үед үйлчлүүлж байсан зорчигчид ч мөн “Та Монгол Улсын аварга хүн байж ингэж болохгүй шүү дээ” гэснийг тоогоогүй. Бидэнд баримт байгаа.

“Чингис хаан” ОУНБ-ын Үйлдвэрчний эвлэлийн хорооны тэргүүлэгч Ц.Баасантуяа:

-Манай үйлчилгээний ажилтнууд нисэх буудлын үйлчилгээний ажилтны заавар, баримт бичгийн хүрээнд үйл ажиллагаа явуулдаг. Энэ баримт бичиг дээр үйлчилгээний ажилтнууд зорчигчтой хэрхэн харьцах, яаж мэндлэх, ууртай болоод бухимдалтай зорчигчтой хэрхэн харьцах талаарх заалтууд бий. Манай ажилчид үүнд заасан дүрэм, журмыг мөрдөж ажилладаг. Тиймээс би ажилтнуудаа хариуцлагын болон ёс зүйн алдаа гаргасан гэдгийг хүлээн зөвшөөрөхгүй байна. Учир нь энэ нь баримтаар нотлогдоно. Нөгөө талаар эрхэм аварга маань манай ажилтнуудыг хэл амаар доромжилж, хувь хүний эрх чөлөөнд халдсан. Иймээс энэ хүмүүсийн эрх ашиг, нэр хүндийг хамгаалж, ажил гүйцэтгэж байх үедээ авсан дарамтыг эсэргүүцэж байна. Дахин манай ажилтнуудад дарамт ирсэн тохиолдолд бид Үйлдвэрчний эвлэлийн зүгээс шат дараатай арга хэмжээ авах болно.



“Чингис хаан” нисэх буудалд нэр хүндтэй, нийгэмд томоохон байр суурь эзэлдэг, олны танил эрхмүүд ихээр үйлчлүүлдэг. Ингэхдээ үйлчилгээний ажилчидтай дээрэнгүй харьцах, тэднийг загнах, ёс бус үгээр дуудах тохиолдол нэг биш удаа гардаг байна.

Нийгэмд байр суурь эзэлдэг эрхмүүд “Чингис хаан” ОУНБ-ын үйлчилгээг шүүмжлэх нь элбэг. Тэр болгонд чимээгүй байж, ирсэн хэвлэлийг буцаадаг байсан бол энэ удаа бодит байдлаас хэт зөрүүтэй мэдээлэл тарсан тул ажилчдынхаа эрх ашгийг хамгаална гэж нисэх буудлын ажилтнууд хэлж байлаа.

Болсон явдлын үнэнийг нотлох камерын бичлэг, гэрч нар ч байгаа гэнэ. Олны хүндэтгэлийг хүлээсэн эрхэм аварга “Би бол улсын аварга хүн” хэмээн аархан, үйлчилгээний ажилчидтай ёс бус харьцсан нь бидэнд мэдэгдсэн зөвхөн нэг жишээ.

Тэрбээр үйлчилгээний ажилчдыг "Ажилгүй болгоно" хэмээн дарамталсан тул тэд яриа өгөхөөс айн, татгалзсан юм. Нийгэмд өөрийн байр сууриа бий болгосон, ард түмний хайр хүндэтгэлийг хүлээж явдаг эрхмүүд ийм авир гаргаж яваа нь харамсалтай.

Эх сурвалж:zindaa.mn

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!