Израйлийн бөхтэй барилдуулахгүйн тулд Иран улс бөхөө дарамталжээ

2019-09-02

Ираны жүдо бөхийн од, 27 настай Саид Моллай 81 кг-ийн жинд чансаагаараа дэлхийд нэгдүгээрт эрэмбэлэгдэж байгаа тамирчин.

Гэвч өнгөрсөн долоо хоногт Токиод болсон дэлхийн аварга шалгаруулах тэмцээнд тэр медаль зүүж чадаагүй юм. Хэсгээсээ шалгараад байсан Моллай цааш амжилттай барилдвал Израйлийн бөх Саги Мукитай оноолт таарах байв. Гэтэл Израйльтай дайсагнадаг Ираны эрх баригчид Моллайг дайсан орны бөхтэй барилдуулахгүйн тулд өмнөх барилдаандаа зориуд ялагдахыг шаарджээ.

Ираны тагнуулынхан тамирчны дэвжээнд ирж дарамталснаас гадна Тегеран дахь гэрийнхэнд нь дарамт шахалт үзүүлсэн байна. Ингээд Моллай Бельгийн бөхөд зориуд ялагдаж, Израйлий бөхтэй медалийн төлөө барилдах боломжоо алджээ. Израйлийн бөх цааш амжилттай барилдаж 81 кг-ийн жинд дэлхийн аварга болсон юм.

Энэ явдлын талаар мэдсэн Олон Улсын Жүдо Бөхийн Холбооны ерөнхийлөгч Мариус Вайзер “Бид тамирчдаа хамгаалах ёстой. Тиймээс Моллайг ирэх зуны олимпийн наадамд барилдуулахын тулд бүхнийг хийх болно. Тэр Олимпийн далбаан дор барилдаж ч болох юм” хэмээн ярьжээ.

Моллай тэмцээний дараа Герман руу ниссэн бөгөөд одоо Берлинд байгаа юм. Ираны зарим хэвлэл Моллайг Герман руу нисэхэд Олон Улсын Жүдо Бөхийн Холбооны ерөнхийлөгч Мариус Вайзер тусалсан гэж мэдээлсэн байна.

Мөн Моллайг Герман улсаас улс төрийн орогнол хүссэн гэжээ. Харин өчигдөр буюу Ням гарагт Моллай “Надад Германы виз байгаа тул би хэл амнаас хол байхын тулд энд ирээд байна” гээд улс төрийн орогнол хүссэн гэх мэдээллийг няцаажээ.

Моллайг улс төрийн шалтгаанаар дарамталсан асуудлаар шуурхай хурал зохион байгуулж, Ираны жүдогийн холбоог шийтгэх тухай хэлэлцэх гэж байгааг Вайзер бас мэдээлсэн юм.

Иран улс Израйлийг хүлээн зөвшөөрдөггүй бөгөөд иргэдийнх нь гадаад паспорт дээр Израйльд нэвтрэхийг нь хориглосон байдаг.

Мөн тамирчдаа Израйлийн тамирчинтай өрсөлдөхийг хориглох явдал гардаг байна.

2017 онд дэвжээнд барилдаж байсан Ираны бөх Алиреза Каримид дасгалжуулагч нь “Израйль ялчлаа, чи одоо ялагдах ёстой” хэмээн хашхиран хэлж байгаа бичлэг тарж байв.

Энэ явдлын дараа Карими зургаан сар барилдах эрхээ хасуулж, дасгалжуулагч нь хоёр жил олон улсын тэмцээнд оролцох эрхгүй болсон юм.

 

Эх сурвалж: AFP

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!