Хонг Конгийн захирагч ард иргэдээсээ уучлал гуйлаа

2019-06-19

Өнөөдөр 16:00 цагт Хонг Конгийн захирагч Кэрри Лам тус хотод үүсээд байгаа улс төрийн хямралтай холбоотой хэвлэлийн хурал зохион байгууллаа.

Гэмт хэрэгтнийг эх газрын Хятадад шилжүүлж, шийтгүүлэх хуулийн төслийг хэлэлцэхийг эсэргүүцсэн иргэдийн тэмцэл сүүлийн арав орчим хоногийн турш Хонг Конгийг доргиож байгаа.

Өнгөрсөн Ням гарагт болсон эсэргүүцлийн жагсаалд хоёр сая орчим хүн оролцсон нь Хонг Конгийн түүхэнд байгаагүй үзэгдэл юм. Иргэд хэрэгтэн шилжүүлэх хуулийн төслийг бүр мөсөн буцааж татах, иргэдийн тэмцлийн эсрэг дахин хүч хэрэглэхгүй байхыг амлах, захирагч Кэрри Ламыг огцрохыг шаардаж байв.

Өнөөдөр болсон хэвлэлийн хурлын үеэр Кэрри Лам бүх бурууг өөртөө хүлээсэн ч огцрох бодолгүйгээ мэдэгджээ. “Бүх хариуцлагыг би өөртөө хүлээж байна. Хуулийн төсөл манай нийгэмд маргаан, зөрчил, айдас бий болгосон. Үүнийхээ төлөө би Хонг Конгийн бүх ард иргэдээс чин сэтгэлийн уучлал гуйж байна” гэж тэр хэлээд “Надад дахин нэг боломж олгохыг хүсэж байна” гэж мэдэгджээ.

Хуулийн төслийг хэлэлцүүлэх үйл явцыг зогсоосон ч буцааж татах талаар яриагүй юм. Энэ тухай сэтгүүлчдийн асуултад хариулахдаа Лам “иргэдийн саналыг бүрэн тусгаж, маргааныг эцэслэн шийдээгүй тохиолдолд дахин хэлэлцэхгүй” гэсэн амлалт өгсөн байна.

1997 онд Их Британийн колоничлолоос Хятадын бүрэлдэхүүнд шилжсэн Хонг Конг хот “нэг улс, хоёр систем” зарчмаар бие даасан хууль эрх зүйн системтэй 2047 оныг хүртэл оршин тогтнох тохиролцоотой юм.

Гэвч сүүлийн жилүүдэд Бээжингийн эрх баригчид Хонг Конгийн бие даасан байдалд халдах болсон нь тус хотын иргэдийг бухимдуулж, бас айлгаж байгаа.

Кэрри Ламын санаачилсан хууль батлагдвал Хонг Конгод оргож ирсэн гэмт хэрэгтнүүдээс гадна тус хотын уугуул иргэдийг эх газрын Хятадад шилжүүлж, коммунист дэглэмийн шүүхээр шийтгүүлдэг болох юм.

Хонг Конгийн захирагчийн өнөөдөр хийсэн мэдэгдэл иргэдийн тэмцлийг зогсоож чадах эсэх нь эргэлзээтэй байна.

Эх сурвалж: BBC

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!